Nýr viti settur upp í Þórkötlustaðanesi í sumar

• Fréttir
• 1. apríl 2023

Grindavíkurbær, Vegagerðin og franska sveitarfélagið Binic-Étables-sur-Mer hafa skrifað undir samkomulag um að skiptast á vitum næstu tvö árin. Grindavíkurbær mun lána Hópsnesvita til Frakklands en fá í staðinn fá Binic vitann frá Binic-Étables-sur-Mer í Frakklandi.

Verkefni uppfyllir ýtrustu öryggis- og umhverfisstaðla og er áætlað er að þann 1. júní verði Hópsnesviti tekin niður, fluttur með flutningaskipi til vesturstrandar Frakklands og settur upp þar. Á sama tíma verður Binic vitin tekin niður og fluttur til Grindavíkur. Ef allt gengur eftir áætlun geta Grindvíkingar og aðrir gestir borið þennan fallega franska vita augum 1. ágúst næstkomandi. 

Verkefnið er stórt í sniðum og hefur verið lengi í undirbúningi. Markmið þess er m.a. að vekja athygli á miklvægi vita fyrir sjófarendur og hefur það því fengið styrki úr sjóðum Evrópusambandsins. Kostnaður sem fellur á Grindavíkurbæ er því óverulegur. 

Grindvíkingar sem eiga leið um Bretaníuskagann á næstu árum eru hvattir til að koma við í franska bænum og virða Hópsnesvita fyrir sér.

Vegna framkvæmda við byggingu vitans í sumar má búast við því að loka þurfi fyrir umferð í nágrenni vitans tímabundið. Slíkt verður auglýst síðar. 

Hér að neðan má sjá Hópsnesvita eins og hann mun líta út í Frakklandi.

• Síðast uppfært: 1. apríl 2023