Liðveitendur óskast í stuðningsþjónustu við fatlað fólk

• Fréttir
• 10. mars 2023

Félagsþjónustu- og fræðslusvið Grindavíkurbæjar leitar að traustum einstaklingum til að sinna fjölbreyttri stuðningsþjónustu við fatlaða einstaklinga (börn og unglinga). Að vera liðveitandi er gefandi og skemmtilegt starf sem hentar vel námsfólki.

Markmið liðveislu er að veita persónulegan stuðning og aðstoð sem miðar einkum að því að rjúfa félagslega einangrun hins fatlaða einstaklings. Hlutverk liðveitanda er mjög fjölbreytt og snýr meðal annars að því að virkja viðkomandi í athöfnum daglegs lífs og veita honum aðstoð til að njóta menningar og félagslífs. 

Vinnutími er breytilegur en um tímavinnu er að ræða.

Þeir einstaklingar sem stunda nám við Fjölbrautaskóla Suðurnesja og starfa sem liðveitendur, fá liðveislu metna til eininga á fyrsta þrepi í frjálsu vali.

Hreint sakavottorð skv. lögum um þjónustu við fatlað fólk með langvarandi stuðningsþarfir er skilyrði.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag. Öll eru hvött til að sækja um, óháð kyni.

Sótt er um starfið hér. Umsóknafrestur er til 26.03.2023.

Nánari upplýsingar veitir Hlín Sigurþórsdóttir í síma 426-9909 eða á netfanginu hlin.s@grindavik.is

• Síðast uppfært: 10. mars 2023