1636. fundur bæjarráðs Grindavíkur haldinn í bæjarstjórnarsal, þriðjudaginn 21. febrúar 2023 og hófst hann kl. 15:00.

Fundinn sátu: Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi.

Einnig sat fundinn: Fannar Jónasson, bæjarstjóri. 

Fundargerð ritaði: Fannar Jónasson, bæjarstjóri.

Dagskrá:

1. Framkvæmdir við klæðningu á Ásabraut 2 (Grunnskóli Grindavíkur) - 2209068
Sviðsstjóri skipulags- og umhverfissviðs sat fundinn undir þessum dagskrárlið. 

Opnunarfundargerð útboðs vegna klæðningar á grunnskólanum við Ásabraut 2 lögð fram.

2. Umsókn um lóð nr. 2 á iðnaðarsvæði, i5. - 2302054
Sviðsstjóri skipulags- og umhverfissviðs sat fundinn undir þessum dagskrárlið. 

Matorka hefur sótt um að fá svæði nr. 2 úthlutað á iðnaðarsvæði i5 til áframhaldandi uppbyggingar fiskeldis á svæðinu. Sviðsstjóra skipulags- og umhverfissviðs falið að vinna málið áfram. 

3. Húsnæðisáætlun Grindavíkurbæjar 2023 - 2302070
Sviðsstjóri skipulags- og umhverfissviðs sat fundinn undir þessum dagskrárlið. 

Drög að húsnæðisáætlun Grindavíkurbæjar 2023 lögð fram til upplýsinga og umræðu.

4. Ferðaþjónustubílar í þjónustumiðstöð - viðaukabeiðni - 2302072
Sviðsstjóri skipulags- og umhverfissviðs sat fundinn undir þessum dagskrárlið. 

Óskað er viðauka að upphæð 7,5 milljónum króna vegna kaupa á bíl sem nýtist ferðaþjónustu sem þjónustumiðstöðin sinnir fyrir félagsþjónustu- og fræðslusvið sveitarfélagsins. Viðaukinn verði fjármagnaður með lækkun á handbæru fé. 

Bæjarráð leggur til við bæjarstjórn að samþykkja viðaukabeiðnina.

5. 50 ára kaupstaðarafmæli Grindavíkurbæjar - 2301116
Sviðsstjóri frístunda- og menningarsviðs sat fundinn undir þessum dagskrárlið. 

Drög að erindisbréfi 50 ára afmælisnefndar Grindavíkurbæjar lögð fram.

6. Beiðni um aukið stöðugildi í félagsþjónustu - 2302080
Sviðsstjóri félagsþjónustu- og fræðslusviðs sat fundinn undir þessum dagskrárlið. 

Óskað er eftir heimild til að ráða í stöðugildi í barnavernd og félagsþjónustu hjá bæjarfélaginu. 

Bæjarráð samþykkir erindið og felur sviðsstjóra félagsþjónustu- og fræðslusviðs að leggja fram viðaukabeiðni fyrir bæjarstjórn. 

7. Húsnæðismál Fisktækniskóla Íslands - 2111026
Farið yfir stöðu málsins. 

8. Undanþágur frá verkfalli - 2302058
Vegna mögulegra verkfalla vill kjarasvið Sambands íslenskra sveitarfélaga koma því á framfæri við sveitarfélög að sækja um undanþágu fyrir starfsemi sem varðar almannaöryggi. 

Auk þess hefur sambandið vakið athygli á því að sveitarstjórnir hugi vel að viðbúnaði og áfallaþoli til að tryggja að ekki skapist hættuástand.

9. Hjartastuðtæki á stofnunum bæjarins - 2302069
Lögð fram beiðni um viðauka við fjárhagsáætlun 2023 að fjárhæð 1.140.000 vegna hjartastuðtækja á stofnunum bæjarins. 

Bæjarráð leggur til við bæjarstjórn að samþykkja viðaukabeiðnina.

10. Lánasjóður sveitarfélaga - framboð til stjórnar - 2302052
Lagt fram erindi dags. 10. febrúar sl. frá kjörnefnd Lánasjóðsins þar sem auglýst eftir framboðum til stjórnarsetu.

Fleira ekki gert. Fundi slitið kl. 17:20

• Síðast uppfært: 23. febrúar 2023