1635. fundur bæjarráðs Grindavíkur haldinn í bæjarstjórnarsal, þriðjudaginn 14. febrúar 2023 og hófst hann kl. 15:00.
Fundinn sátu: Hjálmar Hallgrímsson, formaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Gallup - Þjónustukönnun 2022 - 2302023
Matthías Þorvaldsson frá Gallup kynnti í gegnum Teams niðurstöður þjónustukönnunar sem gerð var meðal 20 stærstu sveitarfélaga landsins.
2. Samþykkt um fullnaðarafgreiðslu mála hjá Barnaverndarþjónustu Grindavíkur - 2212059
Sviðsstjóri félagsþjónustu- og fræðslusviðs sat fundinn undir þessum dagskrárlið.
Samþykkt um fullnaðarafgreiðslu mála hjá barnaverndarþjónustu Grindavíkur lögð fram með áorðnum breytingum.
Bæjarráð vísar samþykktinni til bæjarstjórnar til samþykktar.
3. Bæjarmálasamþykkt Grindavíkurbæjar 2023 - Breyting og nýr viðauki - 2301072
Sviðsstjóri félagsþjónustu- og fræðslusviðs sat fundinn undir þessum dagskrárlið.
Samþykkt um stjórn og fundarsköp Grindavíkurbæjar lögð fram með áorðnum breytingum.
Bæjarráð vísar samþykktinni til bæjarstjórnar til samþykktar.
4. Grunnskólinn við Ásabraut - breytingar á rýmum í kennslustofur - 2301127
Á fundi bæjarráðs þann 7. febrúar sl. var sviðsstjóra skipulags- og umhverfissviðs falið að kostnaðarmeta verkefnið og óska viðauka.
Verkefnið kostar 3 milljónir króna og er óskað viðauka um þá upphæð vegna verkefnisins og að það verði fjármagnað með lækkun á handbæru fé.
Bæjarráð leggur til við bæjarstjórn að samþykkja viðaukabeiðnina.
5. Sorphirða á Suðurnesjum í desember 2022 og janúar 2023 - 2302018
Lagt fram bréf til forstjóra og rekstrarstjóra Terra, dags. 3. feb. 2023.
6. Ágangur búfjár - 2302024
Lagt fram minnisblað frá Sambandi íslenskra sveitarfélaga dags. 3. febrúar 2023.
Markmið minnisblaðsins er að varpa ljósi á réttarstöðu sveitarfélaga þegar beiðnir um smölun berast sveitarfélögum vegna ágangs búfjár milli landareigna og jafnframt frá afrétti.
7. Fundargerðir Vinnuverndarnefnd 2023 - 2302020
Fundargerð vinnuverndarnefndar, nr. 41 dags. 1. febrúar 2023, er lögð fram til kynningar.
Fleira ekki gert. Fundi slitið kl. 16:05.