Laus störf: Forstöðumaður Þrumunnar - tímabundið starf

• Fréttir
• 31. janúar 2023

Grindavíkurbær auglýsir laust til umsóknar starf forstöðumanns Þrumunnar, félagsmiðstöðvar fyrir börn og unglinga. Leitað er að öflugum og metnaðarfullum leiðtoga. Um tímabundið starf er að ræða frá 1.3.2023-30.4.2024. Vinna yfir sumarmánuði er samkomulagsatriði.

Helstu verkefni:

• Vinnur starfsáætlun fyrir félagsmiðstöðina í samráði við starfsfólk.
• Sinnir hefðbundnum opnunum félagsmiðstöðvar og verkefnum sem fylgja þeim s.s. undirbúningi og frágangi.
• Tryggir öryggi og vellíðan barna og unglinga og vinnur gegn óæskilegri og neikvæðri hegðun þeirra.
• Sér til þess að börn sem nýta þjónustu félagsmiðstöðvarinnar uppifi væntumþykju.
• Eflir félagsfærni og jákvæða sjálfsmynd barnanna.
• Stuðlar að fordómalausri umræðu og heilbrigðu líferni.
• Leitar leiða til að ná til þeirra barna og unglinga sem ekki stunda heilbrigð viðfangsefni í frístundum sínum og/eða þurfa á félagslegum stuðningi að halda.
• Ber kennsl á helstu áhættuþætti í umhverfi barna og unglinga og bregðast við þeim.
• Aðstoðar við að halda utan um félagslíf nemenda í Grunnskóla Grindavíkur.
• Heldur utanum starfssemi nemendaráðs í samráði við deildarstjóra Grunnskóla Grindavíkur
• Er starfsmaður ungmennaráðs Grindavíkurbæjar
   

Menntun og hæfniskröfur:

• Menntun sem nýtist í starfi, t.d. á sviði uppeldis-, tómstunda- og/eða félagsmálafræði eða sambærileg uppeldismenntun er æskileg
• Reynsla af stjórnun er kostur
• Reynsla af starfi með börnum og ungmennum er nauðsynleg og þekking á málaflokknum æskileg.
• Góð tölvukunnátta.
• Hæfni í mannlegum samskiptum, jákvætt viðmót, góð samstarfshæfni og geta til að  miðla upplýsingum.
• Heiðarleiki og stundvísi, auk þess sem starfsmaður þarf að vera umburðalyndur.
• Fumkvæði, sjálfstæði og skipulagshæfni.
• Hæfni til að bregðast við óvæntum aðstæðum og vilji til að taka þátt í breytingum. 
• Hreint sakavottorð.
• Er góð fyrirmynd.

Laun eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag.

Nánari upplýsingar um starfið gefur Elínborg Ingvarsdóttir, forstöðumaður Þrumunnar í tölvupósti elinborg@grindavik.is eða Eggert Sólberg Jónsson sviðsstjóri frístunda- og menningarsviðs í tölvupósti eggert@grindavik.is

Umsóknarfrestur er til og með 14. febrúar nk. Sótt er um starfið í gegnum umsóknarvef Grindavíkurbæjar. Æskilegt er að viðkomandi geti hafið störf sem fyrst.

Umsókn þarf að fylgja kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

• Síðast uppfært: 31. janúar 2023