Asahláka og hvassviðri á morgun - Hvernig á að koma í veg fyrir tjón?

• Fréttir
• 20. janúar 2023

Á morgun föstudag spáir hlýnandi veðri og má búast við asahláku og hvassviðri. Gul veðurviðvörun er um allt land. 

Mesta hætta er á að vatn leki inn í kjall­ara og frá þökum og svöl­um. Nauðsyn­legt er tryggja að vatn eigi ávallt greiða leið. Lögreglan á Suðurnesjum hefur gefið út leiðbeiningar sem gott er að skoða til að tryggja að tjón eigi sér ekki stað:

• Hreinsa frá öllum niðurföllum sem eru nærri húsi. Snjór og klaki eiga það til að bráðna fyrst meðfram útveggjum. Ágætt er að moka rásir svo vatn safnist ekki í tjarnir við hús.
• Hreinsa snjó og klaka frá anddyrum kjallara og niðurfalla þar við.
• Hreinsa frá þakrennum og niðurföllum þaka. Gefa þarf flötum þökum sérstaka athygli. Farið afar gætilega þegar unnið er við þök með tilliti til falls.
• Hreinsa snjó af svölum og tryggja að niðurföll virki.
• Það getur verið gott að setja salt og eða heitt vatn í niðurföll til þess að tryggja að vatn komist niður.

• Síðast uppfært: 20. janúar 2023