Laus störf: Byggingarfulltrúi Grindavíkurbæjar

• Fréttir
• 19. janúar 2023

Grindavíkurbær auglýsir stöðu byggingarfulltrúa lausa til umsóknar. Um er að ræða fjölbreytt og áhugavert starf í vaxandi bæjarfélagi. Leitað er að öflugum einstaklingi sem sýnir metnað og frumkvæði í starfi. Starfshlutfall er 100%. Allir áhugasamir einstaklingar, óháð kyni, eru hvattir til að sækja um. 

Hlutverk byggingarfulltrúa er að sjá til þess að byggingarmál í sveitarfélaginu séu í samræmi við ákvæði laga um mannvirki nr. 160/2010 og reglugerð þeim tengdum. Byggingarfulltrúi vinnur í nánu samstarfi við skipulagsfulltrúa og lögfræðing skipulags- og umhverfissviðs.

Helstu verkefni:

• Verkefni sem byggingarfulltrúa eru sett í lögum og reglugerðum sem snúa að málaflokknum þar á  meðal lög um mannvirki nr. 160/2010 og byggingarreglugerð.
• Byggingareftirlit og umsjón með byggingarmálum bæjarins.
• Ráðgjöf er varðar byggingarmál ásamt afgreiðslu á lóða - og leyfisumsóknum.
• Framkvæmd úttekta og útgáfa leyfa ásamt staðfestingu eignaskiptayfirlýsinga.
• Samskipti við hagsmunaaðila.
• Byggingarfulltrúi er jafnframt veitustjóri vatns- og fráveitu sveitarfélagsins og sinnir verkefnum þeim tengdum í samstarfi við umsjónarmann fasteigna og sviðsstjóra skipulags- og umhverfissviðs.  
• Yfirferð og samþykkt reikninga.
• Áætlanagerðir.
• Önnur verkefni sem viðkomandi er falið af sviðsstjóra skipulags- og umhverfissviðs, þá helst verkefni er lúta að byggingarmálum.
   

Menntunar- og hæfniskröfur:

• Löggildingu sem hönnuður skv. 25. gr. laga um mannvirki nr. 160/2010.
• B.S./M.S próf sem verkfræðingur, tæknifræðingur, arkitekt eða byggingarfræðingur.
• Autocad kunnátta æskileg.
• Æskilegt er að viðkomandi hafi góða þekkingu og reynslu á sviði byggingarmála.
• Þekking á lagnakerfum í jörðu er kostur vegna hlutverks byggingarfulltrúa sem veitustjóra.
• Þekking á lagaumhverfi málaflokksins kostur.
• Reynsla af stjórnsýslu og lagaumhverfi sveitarfélaga kostur.
• Mikil samskipta- og samstarfshæfni ásamt frumkvæði og öguðum vinnubrögðum í starfi.
• Frumkvæði, sjálfstæði í vinnubrögðum og skipulagshæfni.
• Góð samskiptahæfni og þjónustulund.
• Góð almenn tölvukunnátta og færni til að tjá sig í ræðu og riti.
• Góð íslensku og ensku kunnátta.
• Jákvætt viðhorf og geta til að vinna undir álagi.
   

Umsókn þarf að fylgja ítarlegt kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. 

Umsóknarfrestur er til og með 31. janúar 2023 og skulu allar umsóknir berast í gegnum umsóknarvef Grindavíkurbæjar. Æskilegt er að viðkomandi geti hafið störf sem fyrst.

Nánari upplýsingar um starfið veitir Atli Geir Júlíusson, sviðsstjóri skipulags- og umhverfissviðs: atligeir@grindavik.is.

Öllum umsóknum verður svarað þegar ákvörðun um ráðningu liggur fyrir.

• Síðast uppfært: 19. janúar 2023