2.bekkur skellti sér í ljósagöngu

• Grunnskólafréttir
• 8. desember 2022

Nemendur og kennarar í 2.bekk skelltu sér í ljósagöngu í gær í góða veðrinu. Gangan var vel heppnuð en þetta er í annað sinn sem farin er ljósaganga í þessum árgangi.

Árgangurinn hittist við Þorbjörn og voru allir með höfuð- eða vasaljós og síðan var gengið í myrkrinu í átt að upplýstum jólabænum Grindavík. Veður á leiðinni var mjög gott og á göngunni styttu nemendur sér stundir og sungu jólalög.

Þegar í bæinn var komið voru jólaljós og skreytingar í bænum skoðaðar og í skólanum fengu nemendur síðan heitt kakó og piparkökur eftir útiveruna.

Saman áttu bæði börn og fullorðnir notalegan morgun og stóðu nemendur sig frábærlega vel á göngunni.

• Síðast uppfært: 8. desember 2022