124. fundur Fræðslunefndar haldinn í bæjarstjórnarsal, fimmtudaginn 6. október 2022 og hófst hann kl. 16:30.

Fundinn sátu: Vilhjálmur Ragnar Kristjánsson, formaður, Eva Lind Matthíasdóttir, varaformaður, Eva Rún Barðadóttir, aðalmaður, Petra Rós Ólafsdóttir, varamaður, Birgitta Rán Friðfinnsdóttir, aðalmaður, Lóa Björg Björnsdóttir, aðstoðarleikskólastjóri, Inga Þórðardóttir, skólastjóri, Bylgja Kristín Héðinsdóttir, aðstoðarleikskólastjóri, Eysteinn Þór Kristinsson, skólastjóri, Helga Rut Hallgrímsdóttir, áheyrnarfulltrúi, Þórkatla Albertsdóttir, áheyrnarfulltrúi, Guðríður Sæmundsdóttir, áheyrnarfulltrúi. 

Fundargerð ritaði:  Sigurlína Jónasdóttir, daggæslufulltrúi.

Dagskrá:

1.      Starfsáætlun tónlistarskóla 2022-2023 - 2209139
    Skólastjóri tónlistarskóla lagði fram starfsáætlun skólans fyrir skólaárið 2022-2023. Fræðslunefnd þakkar skólastjóra fyrir greinargóða yfirferð á starfsháttum tónlistarskólans. 

Óskað var eftir breytingu á skóladagatali, færslu á afmælishátíð í október um eina viku. Fræðslunefnd samþykkir þá breytingu.
         
2.      Mat á starfi Tónlistarskóla - 2009209
    Fræðslunefnd frestar málinu til næsta fundar vegna vöntunar á gögnum.
         
3.      Verkefnið Kveikjum neistann - 2210003
    Svava Hjaltalín kynnti verkefnið Kveikjum neistann. Fræðslunefnd þakkar góða kynningu. 
         
4.      Reglur um inntöku í leikskóla - 2208149
    Breyting á reglum um inntöku barna í leikskóla. Málið var áður á dagskrá á 122. fundi fræðslunefndar og þá var skólaþjónustu falið að fullvinna reglurnar og afgreiðslu frestað til októberfundar. Fræðslunefnd samþykkir breytingar á reglum um inntöku barna í leikskóla.
         
5.      Starfsáætlun Heilsuleikskólinn Krókir 2022-2023 - 2208143
    Starfsáætlun Heilsuleikskólans Króks 2022-2023 lögð fram. Fræðslunefnd samþykkir fram lagða starfsáætlun. 
         
6.      Leikskólinn Laut - starfsáætlun 2022-2023 - 2208142
    Starfsáætlun leikskólans lögð fram. Fræðslunefnd samþykkir framlagða starfsáætlun. 
         
7.      Breyting á skóladagatali Grunnskóla Grindavíkur 2022-2023 - 2210004
    Skólastjóri leggur fram tillögu um breytingu á skóladagatali. Fræðslunefnd samþykktir framlagða breytingu á skóladagatali. 
         
8.      Starfsáætlun Skólasels skólaárið 2022-2023 - 2209144
    Skólastjóri leggur fram starfsáætlun Skólasels 2022-2023. Fræðslunefnd þakkar skólastjóra fyrir góða yfirferð á starfsáætlun Skólasels. 
         

Fleira ekki gert. Fundi slitið kl. 18:30.
 

• Síðast uppfært: 27. október 2022