1624. fundur bæjarráðs Grindavíkur haldinn í bæjarstjórnarsal, þriðjudaginn 11. október 2022 og hófst hann kl. 15:00.

Fundinn sátu: Hjálmar Hallgrímsson, formaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður og Ásrún Helga Kristinsdóttir var fjarverandi en í staðinn sat fundinn Sverrir Auðunsson, varamaður,

Einnig sátu fundinn: Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri. 

Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:

1. Hafnargata 13 - Eigandi Rauði krossinn - 2210035
Eignarhlutinn er sambyggður slökkvistöð Grindavíkur og er til sölu. 

Lagt fram fasteignayfirlit eignarinnar. 

Bæjarráð felur bæjarstjóra að vinna málið áfram.

2. Tónlistarskólinn - 50 ára afmæli - 2210034
Lagður fram tölvupóstur frá skólastjóra tónlistarskólans, dags. 10. okt. sl. varðandi 50 ára afmæli skólans. 

Bæjarráð leggur til við bæjarstjórn að samþykkja viðauka á árið 2022 að fjárhæð 400.000 á bókhaldslykilinn 04511-4920 til að standa straum af afmælishátíð tónlistarskólans. Bæjarráð leggur til að viðaukinn verði fjármagnaður með lækkun á handbæru fé.

3. Fjárhagsáætlun 2023-2026 - Grindavíkurbær og stofnanir - 2208066
Bæjarfulltrúarnir Birgitta H. Káradóttir, Birgitta R. Friðfinnsdóttir og Gunnar M. Gunnarsson sátu fundinn undir þessum dagskrárlið. 

Gestir fundarins voru: sviðsstjóri félagsþjónustu- og fræðslusviðs, skólastjóri grunnskólans og forstöðumaður Miðgarðs. 

Farið yfir beiðnir um aukin stöðugildi fyrir árið 2023.

Fleira ekki gert. Fundi slitið kl. 17:20

• Síðast uppfært: 12. október 2022