1623. fundur bæjarráðs Grindavíkur haldinn í bæjarstjórnarsal, þriðjudaginn 4. október 2022 og hófst hann kl. 15:00.

Fundinn sátu: Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi.

Einnig sátu fundinn:  Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Húsnæðisaðstæður skólaþjónustu, félagsþjónustu og barnaverndar - 2204050
    Sviðsstjóri skipulags- og umhverfissviðs, sviðsstjóri félagsþjónustu- og fræðslusviðs sátu fundinn undir þessum dagskrárlið. Einnig mætti á fundinn Óli Þór Magnússon frá OMR verkfræðistofu og kynnti hann niðurstöður skýrslunnar. 

Niðurstöður úr ástandsskoðun og kostnaðargreiningu vegna Víkurbrautar 27 og Hafnargötu 12a (Kvikunni) lagðar fram.
         
2.      Félagsaðstaða eldri borgara - hönnun og undirbúningur - 2102060
    Sviðsstjóri skipulags- og umhverfissviðs, sviðsstjóri félagsþjónustu- og fræðslusviðs sátu fundinn undir þessum dagskrárlið. 

Útboðs- og hönnunargögn vegna félagsaðstöðu eldri borgara við Víðihlíð lögð fram til samþykktar fyrir útboð. 

Bæjarráð felur sviðsstjóra skipulags- og umhverfissviðs að bjóða verkið út. 
         
3.      Erindi frá Húsnæðis- og mannvirkjastofnun - 2209122
    Lögð fram tilkynning um umsóknarfrest í síðari úthlutun fyrir árið 2022 um stofnframlög ríkisins til byggingar eða kaupa á almennum íbúðum. Umsóknarfrestur er til 16. október 2022.
         
4.      Samningur um nýtingar á gistiskýlum - 2209133
    Sviðsstjóri félagsþjónustu- og fræðslusviðs sat fundinn undir þessum dagskrárlið. 

Lagt fram bréf, dags. 18. ágúst 2022, varðandi greiðslu gistináttagjalds í neyðarskýlum á vegum Reykjavíkurborgar. 

Sviðsstjóra félagsþjónustu- og fræðslusviðs er falið að afla frekari gagna fyrir næsta bæjarráðsfund.
         
5.      Björgunarsveitin Þorbjörn leitar eftir styrk - 2209119
    Lögð fram beiðni, dags. 16. sept. 2022, um styrk vegna stækkunar á húsnæði Björgunarsveitarinnar að Seljabót 10 í Grindavík. 

Bæjarráð vísar erindinu í vinnu við fjárhagsáætlun 2023-2026.
         
6.      Stytting vinnuviku kennara hjá grunnskóla Grindavíkur - 2209129
    Lagt fram samkomulag um styttingu vinnuviku hjá kennurum í grunnskóla Grindavíkur. 

Bæjarráð samþykkir vinnufyrirkomulagið.
         
7.      Fjárhagsáætlun 2023-2026 - Grindavíkurbær og stofnanir - 2208066
    Gögn forstöðumanna lögð fram.
         

Fleira ekki gert. Fundi slitið kl. 16:50.
 

• Síðast uppfært: 11. október 2022