Ljósleiðarinn ehf. mun á næstu 2-3 mánuðum leggja ljósleiðara í Grindavík. Ljósleiðari verður lagður frá Þórkötlustaðarhverfi meðfram Austurveginum og svo upp og niður Víkurbraut, að Nesvegi í norðri og að Ásabraut í suðri. Þá verður lagður ljósleiðari niður Ásabraut að Nesveg ásamt því að ljósleiðari verður tengdur niður í Laut frá Ásabraut. Hlíðarhverfi verður tengt ljósleiðaranum við Austurveg með ljósleiðara um Hópsbraut. Farið verður með ljósleiðara inn einhverjar fasteignir á leiðinni. Mynd hér að neðan sýnir hvar ljósleiðarinn verður lagður.
Þá hefur áður verið tilkynnt um að Míla muni í ár leggja ljósleiðara í Skólabraut, Arnarhraun, Borgarhraun, hluta Staðarhrauns og Laut, sjá mynd hér að neðan.
Framkvæmdaraðilar munu eftir fremsta megin reyna að halda ónæði fyrir íbúa í lágmarki vegna framkvæmdanna og loka skurðum hratt og örugglega ásamt því að það verði gert með snyrtilegum hætti. Það er mikið gleðiefni fyrir Grindavíkurbæ að Míla og Ljósleiðarinn séu að setja aukinn kraft í ljósleiðaravæðingu sveitarfélagsins. Vonandi verður framhald þar á.