115. fundur frístunda- og menningarnefndar haldinn í félagsmiðstöðinni Þrumunni, miðvikudaginn 4. maí 2022 og hófst hann kl. 16:00.
Fundinn sátu: Garðar Alfreðsson, aðalmaður, Þórunn Erlingsdóttir, aðalmaður, Alexander Veigar Þórarinsson, aðalmaður, Irmý Rós Þorsteinsdóttir, formaður, Sigríður Etna Marinósdóttir, aðalmaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Framtíð sundlaugarsvæðis - 2110014
Sviðsstjóri sagði frá ástandi sundlaugarinnar og ástæðu bilunar um miðjan apríl. Bæjarráð hefur samþykkt að leggja til við bæjarstjórn að hefja forhönnun á sundlaugarsvæðinu samhliða gerð deiliskipulags. Gert er ráð fyrir að seinni hluta maí geti íbúar komið hugmyndum sínum um framtíð sundlaugarsvæðisins á framfæri. Í framhaldinu mun ný frístunda- og menningarnefnd meta hvort taka þurfi upp þarfagreiningu vegna framtíðaruppbyggingar sundlaugarsvæðisins frá 2019.
2. Sjóarinn síkáti 2022 - 2201045
Drög að dagskrá Sjóarans síkáta 2022 lögð fram. Dagskráin verður birt á vefnum seinni hluta maí og dreift í hús í byrjun júní.
3. Hátíðarhöld 17. júní 2022 - 2205009
Drög að dagskrá vegna hátíðarhalda í tilefni af 17. júní lögð fram. Fyrirkomulag hátíðarhaldanna verður með svipuðum hætti og undanfarin tvö ár. Unnið er að skipulagningu hátíðlegrar stundar að morgni dags þar sem fjallkona mun koma fram ásamt fulltrúa bæjarstjórnar.
4. Ársskýrsla Bókasafns Grindavíkur 2021 - 2204085
Ársskýrsla Bókasafns Grindavíkur 2021 lögð fram.
5. Skil á upplýsingum vegna starfsstyrkja á frístunda- og menningarsviði 2022 - Félag eldri borgara í Grindavík - 2204083
Innsend gögn frá Félagi eldri borgara vegna starfsstyrks 2022 lögð fram.
6. Skil á upplýsingum vegna starfsstyrkja á frístunda- og menningarsviði - Minja- og sögufélag Grindavíkur - 2204104
Innsend gögn frá Minja- og sögufélagi Grindavíkur vegna starfsstyrks 2022 lögð fram.
7. Skil á upplýsingum vegna starfsstyrkja á frístunda- og menningarsviði - Grindavíkurdætur - 2204101
Innsend gögn frá Grindavíkurdætrum vegna starfsstyrks 2022 lögð fram.
8. Skil á upplýsingum vegna starfsstyrkja á frístunda- og menningarsviði - Íþróttafélagið Nes - 2204091
Innsend gögn frá Íþróttafélaginu Nesi vegna starfsstyrks lögð fram.
9. Fundargerðir ungmennaráðs 2022 - 2202023
Fundargerðir 47. og 48. fundar ungmennaráðs lagðar fram.
10. Lýðheilsuteymi - 7 - 2204026F
Fundargerð 7. fundar lýðheilsuteymis lögð fram.
11. Lýðheilsuteymi - 8 - 2204027F
Fundargerð 8. fundar lýðheilsuteymis lögð fram.
Fleira ekki gert. Fundi slitið kl. 16:50.