479. fundur Hafnarstjórnar Grindavíkur haldinn í bæjarstjórnarsal, miðvikudaginn 24. nóvember 2021 og hófst hann kl. 17:00.

Fundinn sátu:
Ómar Davíð Ólafsson formaður, Páll Jóhann Pálsson aðalmaður,
Hallfreður G Bjarnason aðalmaður, Páll Gíslason aðalmaður, Páll Valur Björnsson varamaður í stað Bergþóru Gísladóttur aðalmanns og Sigurður A Kristmundsson hafnarstjóri.

Fundargerð ritaði:  Sigurður A Kristmundsson hafnarstjóri.

Dagskrá:

1.      Grindavík 2021 - Frumathugun á ytri skjólgörðum og breikkaðri innsiglingarrennu - 2111079
    Fannar Jónasson bæjarstjóri, Atli Geir Júlíusson sviðstjóri skipulags- og umhverfissviðs og Helgi G. Gunnarsson verkfræðingur frá Vegagerðinni sátu fundinn undir þessum lið. Helgi skýrði frá ýmsum athugnum sem hann hefur unnið að, sem snúa að því að skoða ýmsar útfærslur á því hvaða áhrif mögulegar breytingar á breikkun/dýpkun ytri og innri innsiglingarrennu ásamt hugsanlegum brimvarnagörðum til að mynda skjól fyrir skip á leið í innsiglingu til eða frá höfn. 
Hafnarstjórn þakkar Helga og Siglingasviði fyrir frumdrög að áhugaverðum hafnabótum og felur hafnarstjóra að óska eftir frekari útfærslum. 
         
2.      Breyting á deiliskipulagi iðnaðarsvæðisins við Eyjabakka - 2110069
    Atli Geir Júlíusson sviðsstjóri skipulags- og umhverfissviðs sat fundinn undir þessum lið og kynnti framtíðaruppbyggingu deiliskipulags við Eyjabakka. Hafnarstjórn gerir engar athugasemdir.
         
4.      Þjónustugjaldskrá Grindavíkurhafnar 2022 - 2111078
    Hafnarstjórn samþykkir nýja þjónustugjaldskrá Grindavíkurhafnar sem tekur gildi 1. janúar 2022. 
         
5.      Fjárhagsáætlun 2022-2025 - Grindavíkurbær og stofnanir - 2107043
    Staðfest fjárhagsáætlun 2022-2025 lögð fram
         
6.      Grindavík-Viðgerð Kvíabryggju og stormpolli 2021 - 2109112
    Vegna tafa sem hafa orðið á verkinu sökum þess að boltar sem notaðir eru til að festa dekkið niður, þarf að öllum líkindum að fresta verkinu fram á næsta sumar. Hafnarstjóra er falið að sjá til þess að bryggjan komist í notkun, en heimila aðeins takmarkaða þyngd ökutækja á bryggjunni á þeim stað sem ekki er búið að endurnýja í samráði við eftirlitsmann verksins. 
Bílstjórum þyngri ökutækja og fiskibátar sem þurfa að nýta sér löndunarkrana hafnarinnar verði bent á að nota krana 2 og 3 þar sem viðgerð á bryggjunni er lokið og nýja löndunarkranann við Miðgarð. 
         
7.      Bréf frá DDH ehf - 2111080
    Hafnarstjórn felur hafnarstjóra að vinna málið áfram.
         
8.      Nýr löndunarkrani - 2108094
    Staða verkefnis lögð fram
         
3.      Umsókn um endurnýjun og stækkun á eldsneytistanki við smábátabryggju - 2111081
    Hafnarstjórn gerir ekki athugasemdir við þessa umsókn.
         

Fleira ekki gert. Fundi slitið kl. 19:15.
 

• Síðast uppfært: 13. janúar 2022