Starfsfólk íþróttamannvirkjanna í Grindavík minnir á að iðkendur UMFG eru velkomnir að koma og æfa sig í sinni íþrótt þegar íþróttasalirnir eru lausir. Þettta á við um Hópið, íþróttasalina og pílu/júdósalinn.Sundlaugin er að sjálfsögðu opin líka. Þeir iðkendur sem eru búnir með 4. bekk mega koma einir en yngri iðkendur eru velkomnir að koma í fylgd með fullorðnum. Krakkar og unglingar eru sérstaklega hvattir til að koma í heimsókn á starfsdögum í skólanum því þá er mikið um lausa tíma í sölunum þegar engin kennsla fer fram. Mikilvægt er að allir gangi vel um og gangi frá eftir sig eftir heimsóknina í salina.
Starfsfólk íþróttamannvirkja vill nota tækifærið og hvetja alla iðkendur að koma með vatnsbrúsa eða vatnsflösku sjálf því sameiginlegu vatnsbrunnarnir eru lokaðir vegna smithættu.
Drengirnir á myndinni voru mættir fyrir kl. 10 í morgun til að æfa sig á starfsdegi grunnskólans.