109. fundur frístunda- og menningarnefndar haldinn í bæjarstjórnarsal, miðvikudaginn 3. nóvember 2021 og hófst hann kl. 16:00.
Fundinn sátu: Garðar Alfreðsson, aðalmaður, Þórunn Erlingsdóttir, aðalmaður, Alexander Veigar Þórarinsson, aðalmaður, Irmý Rós Þorsteinsdóttir, formaður, Sigríður Etna Marinósdóttir, aðalmaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Rafíþróttadeild UMFG - 2110105
Framkvæmdastjóri UMFG sat fundinn undir þessum lið.
Aðalstjórn UMFG óskar eftir aðkomu Grindavíkurbæjar að nefnd sem hefði það markmið að kanna kosti og galla þess að stofna rafíþróttadeild innan UMFG. Nefndin tekur jákvætt í erindið og leggur til að Þórunn Erlingsdóttir og forstöðumaður Þrumunnar verði fulltrúar Grindavíkurbæjar í nefndinni.
2. Framtíð sundlaugarsvæðis - 2110014
Framkvæmdastjóri UMFG sat fundinn undir þessum lið. Farið yfir þarfagreiningu vegna framtíðaruppbyggingar sundlaugarsvæðis frá 2019 og skýrslu um skipulag sundlaugarsvæðis frá 2013. Nefndin leggur til við bæjarstjórn að unnið verði að hönnun sundlaugamannvirkja samhliða deiliskipulagningu íþróttasvæðisins.
3. Íþróttafólk Grindavíkur 2021 - 2110123
Framkvæmdastjóri UMFG sat fundinn undir þessum lið. Rætt um fyrirkomulag kjörs og útnefningu á íþróttafólki Grindavíkur 2021. Frístunda- og menningarnefnd hefur möguleika á að tilnefna einstaklinga með lögheimili í Grindavík sem skarað hafa fram úr í íþróttum og utan íþróttafélaga í Grindavík. Nefndin mun ekki nýta rétt sinn til að tilnefna í ár.
4. Fjárhagsáætlun 2022 - Frístunda- og menningarsvið - 2109002
Fjárhagsáætlun frístunda- og menningarsviðs 2022 lögð fram eins og hún lítur út eftir fyrri umræðu í bæjarstjórn.
5. Nikótínpúðar í íþróttamannvirkjum - 2110116
Lagt fram erindi frá forstöðumanni íþróttamannvirkja vegna nikótínpúðanotkunar gesta. Notkun nikótínpúða er vandamál í íþróttamannvirkjunum og fylgir mikill sóðaskapur. Nefndin bendir á að forstöðumenn hafa heimild til að setja reglur í sínum stofnunum en styður tillögu forstöðumanns íþróttamannvirkja að banna notkun púðanna á íþróttasvæðinu.
6. Ungt fólk 2021 - 2110008
Niðurstöður Ungs fólks 2021, könnunar á líðan og högum ungs fólks í Grindavík lögð fram. Könnunin var lögð fyrir í febrúar 2021.
7. Styrkir vegna íþróttaafreka 2021 - 2107030
Frístunda- og menningarnefnd staðfestir eftirfarandi styrkúthlutanir vegna íþróttaafreka:
Alex Máni Pétursson: 25.000 kr.
Alexander Veigar Þorvaldsson: 25.000 kr.
Tómas Breki Bjarnason: 25.000 kr.
8. Lýðheilsuteymi - 5 - 2110014F
Fundargerð 5. fundar lýðheilsuteymis Grindavíkurbæjar lögð fram til kynningar.
Fleira ekki gert.
Fundi slitið kl. 17:50.