Ert þú með viðburð um jól eða áramót?

• Menningarfréttir
• 4. nóvember 2021

Undirbúningur viðburða í tengslum við jól og áramót er í fullum gangi þessa dagana. Grindavíkurbær mun dreifa viðburðadagskrá í öll hús í bænum upp úr miðjum nóvember og mun dagskráin samanstanda af viðburðum á vegum sveitarfélagsins, fyrirtækja, stofnana og íbúa í Grindavík. Viðburðirnir geta verið stórir og smáir, fastir liðir eins í jóladagskránni eða eitthvað nýtt og óhefðbundið.

Viljir þú koma viðburði á framfæri í dagskránni sem borin verður í hús er bent á að hafa samband við Eggert Sólberg Jónsson, sviðsstjóra frístunda- og menningarsviðs, gegnum netfangið eggert@grindavik.is eigi síðar en 10. nóvember. 

• Síðast uppfært: 4. nóvember 2021