Krakkarnir í 1.bekk fengu góða heimsókn á föstudaginn þegar leikmenn meistaraflokka Grindavíkur í körfuknattleik mættu færandi hendi í Hópsskóla.
Undanfarin ár hefur unglingaráð körfuknattleiksdeildar UMFG afhent öllum nemendum í 1.bekk körfubolta að gjöf þegar þau hefja skólagöngu sína. Þau Ólafur Ólafsson, Natalía Jenný Lucic Jónsdóttir, Ivan Aurrecoechea og Edyta Falenczyk mættu í Hópsskóla með boltana og það voru glaðir nemendur sem tóku við þeim.
Heldur betur skemmtilegt framtak og við þökkum UMFG kærlega fyrir gjöfina til nemenda.