1589. fundur bæjarráðs Grindavíkur haldinn í bæjarstjórnarsal, þriðjudaginn 24. ágúst 2021 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson var fjarverandi en í staðinn sat fundinn Ásrún Helga Kristinsdóttir, varamaður, Hallfríður G Hólmgrímsdóttir, áheyrnarfulltrúi, Páll Valur Björnsson, áheyrnarfulltrúi og Helga Dís Jakobsdóttir, aðalmaður. Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Félagsaðstaða eldri borgara - hönnun og undirbúningur - 2102060
Sviðsstjóri skipulags- og umhverfissviðs sat fundinn undir þessum dagskrárlið.
Samningar við hönnuði að félagsaðstöðu eldri borgara við Víðihlíð lagðir fram til upplýsinga.
2. Fjárhagsáætlun 2022-2025 - Grindavíkurbær og stofnanir - 2107043
Vinnuáætlun vegna fjárhagsáætlunar 2022-2025 er lögð fram til samþykktar. Lagt fram minnisblað frá Sambandi íslenskra sveitarfélaga um forsendur fjárhagsáætlana 2022-2025.
Bæjarráð samþykkir framlagða vinnuáætlun.
3. Rekstraryfirlit janúar til júní 2021 - 2108039
Lagt fram rekstraryfirlit janúar - júní 2021 ásamt skýringum á helstu frávikum.
4. Reglur um niðurfellingu dráttarvaxta vegna fasteignaskatta af atvinnuhúsnæði. - 2107044
Drög að reglum um niðurfellingu dráttarvaxta vegna fasteignaskatta af atvinnuhúsnæði lögð fram.
Sviðsstjóra fjármála- og stjórnsýslusviðs falið að vinna málið áfram.
5. Grænir iðngarðar á Suðurnesjum - 2106116
Lögð fram skýrsla um græna iðngarða á Suðurnesjum.
6. Almenningssalerni í Grindavík - 2108049
Sviðsstjóri frístunda- og menningarsviðs sat fundinn undir þessum dagskrárlið.
Bæjarráð samþykkir að taka gjald af ferðamönnum vegna salerna í Kvikunni ef einungis er nýtt sú aðstaða. Sviðsstjóra falið að útfæra málið.
7. Víðihlíð - Beiðni um viðauka - 2108021
Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um viðauka vegna búnaðar í skrifstofuaðstöðu forstöðumanns í Miðgarði að fjárhæð 310.000 kr. á rekstrareininguna 02421. Lagt er til að viðaukinn verði fjármagnaður með lækkun launaliðar á sömu rekstrareiningu.
Bæjarráð samþykkir viðaukann.
Fleira ekki gert. Fundi slitið kl. 17:40.