Gígurinn vel sýnilegur frá Grindavík

• Fréttir
• 12. ágúst 2021

Eldgosið í Geldingadölum er enn í fullu fjöri og í dag má sjá eldtungurnar rísa hátt upp í loft. Gígurinn er nú orðinn það hár að hann sést vel frá Grindavík. Meðfylgjandi mynd er tekin af bæjarskrifstofum Grindavíkur en á henni má sjá að lífið hefur sinn vanagang þrátt fyrir eldsumbrotin. Börnin leika sér á Heilsuleikskólanum Króki og íbúar vinna sín daglegu verkefni. Mikið er um ferðamenn í bænum sem sannarlega verða ekki sviknir af þessu stórbrotna náttúrufyrirbæri sem eldgosið er. 

Til samanburðar má hér sjá mynd af gosinu þann 10. maí þegar strókarnir stóðu sem hæst. 

• Síðast uppfært: 12. ágúst 2021