Fasteignagjöld í Grindavík þau lægstu á suðvesturhorninu

• Fréttir
• 1. júlí 2021

Byggðastofnun hefur nú gefið út árlega skýrslu þar sem borin eru saman fasteignagjöld heimila í landinu. Í skýrslunni kemur fram samanburður á fasteignamati og fasteignagjöldum. Undir fasteignagjöld falla:

• Fasteignaskattur
• Lóðarleiga 
• Fráveitugjald
• Vatnsgjald
• Sorpgjald

Alls er 96 matssvæði sem eru innan 50 sveitarfélaga, tekin fyrir í skýrslunni. Í mörg ár hafa fasteignagjöld í Grindavík verið ein þau hagstæðustu á landinu. Ef skoðað er suðvesturhorn landsins kemur í ljós að Grindavík er með hagstæðustu gjöldin. Þar sem matsvæðin eru mörg og sveitarfélög einnig tókum við saman þéttbýlasta kjarna landsins og þá kemur í ljóst neðangreind staða, Grindavík er með lægstu gjöldin á suðvesturhorninu af öllum þeim sveitarfélögum sem þar eru. Vert er að benda á að tvö svæði innan Reykjavíkur og Mosfellsbæjar voru hagstæðari en Grindavík í heild, annars vegar Leirvogstunga og hins vegar Grundarhverfi.

Hægt er að fara inn á mælaborð fyrir fasteignagjöld heimila í landinu og setja sér forsendur hér. 

Á landsvísu lenti Grindavíkurbær í 21. sæti af 96 þegar kemur að fasteignagjöldum talið neðan frá, frá hagstæðasta til dýrasta. Fasteignagjöld viðmiðunareignar í Grindavík er því 315,846 kr en á Seltjarnarnesi eru þau rúmlega 489 þúsund. 

• Síðast uppfært: 1. júlí 2021