Sjáđu Geldingadali í 3D fyrir gos og nú
Eldgosið í Geldingadölum í Grindavík hefur nú staðið yfir í rúma þrjá mánuði eða 103 daga. Náttúrufræðistofnun Íslands hefur útbúið þrívítt módel af Geldingadölum, Meradal og Nátthaga, sem sýnir vel hvernig landslagið hefur breyst eftir að eldgos hófst við Fagradalsfjall.
Samkvæmt upplýsingum frá Veðurstofu Íslands frá 28. júní má skipta gosinu niður í þrjú tímabil:
- Stóð yfir í tvær vikur og einkenndist af fremur stöðugu en þó örlítið minnkandi hraunrennsli. Rennslið lækkaði úr 7 til 8 rúmmetrum í 4 til 5 rúmmetra á sekúndu á tveimur vikum.
- Stóð yfir í tvær vikur og einkenndist af opnun nýrra gosopa norðan við upphaflegu gígana. Hraunrennsli var nokkuð breytilegt, á bilinu 5 til 8 rúmmetrar á sekúndu.
- Hefur staðið yfir í tvo og hálfan mánuð. Á þessu tímabili hefur virknin öll verið í einum og sama gígnum. Fyrstu tvær vikurnar óx hraunrennsli en hefur verið nokkuð stöðugt síðan í byrjun maí.
Hægt er að fletta í gegnum módelin hér fyrir neðan til að sjá hvernig landslagið leit út á mismunandi tímabilum.
Geldingadalir, Volcanic eruption by Náttúrufræðistofnun Íslands
Hér má sjá alveg magnað myndband úr vefmyndavél mbl.is úr Nátthaga sem Eldfjallafræði og náttúruvárhópur Háskóla Íslands birti það á Facebook á sunnudag.