17. júní 2021 í Grindavík

• Menningarfréttir
• 16. júní 2021

Hæ, hó, jibbí, jei! Grindavíkurbær býður íbúum til veislu í tilefni af þjóðhátíðardegi Íslendinga. Hátíðarhöld í ár munu að mestu fara fram á Grindavíkurvelli og í Kvikunni. Á Grindavíkurvelli gefst börnum kostur á að taka þátt í skemmtilegu hlaupi umhverfis fótboltavöllinn þar sem komið verður fyrir einfaldri þrautabraut. Allir þáttakendur fá þáttökuverðlaun við komuna í mark. Í framhaldi af hlaupinu mun flugvél fljúga yfir æfingarsvæðið við Hópið og láta karamellum rigna. 

Að lokinni dagskránni á Grindavíkurvelli færist þungi hátíðarhaldanna í Kvikuna þar sem börnin geta hoppað í hoppuköstulum, farið á hestbak og séð sirkuslistamenn leika listir sínar. Þá verður boðið upp á kaffiveitingar í tilefni dagsins. 

Ávarp fjallkonu verður rafrænt í ár og gert aðgengilegt á grindavik.is að morgni þjóðhátíðardagsins. 

Dagskrá 17. júní 2021

8:00 Fánar dregnir að húni

10:00 Hátíðarguðsþjónusta í Grindavíkurkirkju

• Hólmfríður Árnadóttir skólastjóri í Sandgerði flytur hátíðarræðu
• Kór Grindavíkurkirkju leiðir sönginn undir stjórn Erlu Rutar Káradóttur organista
• Sr. Elínborg Gísladóttir þjónar fyrir altari
• Kaffiveitingar eftir messu

13:00 17. júní hlaup og karamelluregn á Grindavíkurvelli fyrir 12 ára og yngri

14:00-16:00 Hátíðaropnun í Kvikunni

• Hoppukastalar fyrir börnin
• Sirkus Íslands verður á svæðinu
• Börnum boðið á hestbak milli 14:30 og 16:30
• Húllahringir og krítar í Húllinu
• Ljósmyndasýning Baldurs Þorvaldssonar
• Kaffiveitingar í boði í tilefni dagsins
• Sýningin Saltfiskur í sögu þjóðar opin á efri hæðinni

Ávarpi fjallkonu verður streymt á grindavik.is.

• Síðast uppfært: 16. júní 2021