Útskrift 10. bekkjar

• Grunnskólafréttir
• 10. júní 2021

Í dag voru nemendur 10.bekkjar útskrifaðir frá Grunnskóla Grindavíkur við hátíðlega athöfn í sal skólans við Ásabraut. Nemendur tóku við útskriftarskírteini með bros á vör áður en þau héldu út í sumarið.

Guðbjörg M. Sveinsdóttir skólastjóri byrjaði á því að halda ræðu og bjóða fólk velkomið. Hún brýndi fyrir nemendum mikilvægi þess að sýna sjálfum sér virðingu og minnti þau á að nú stæðu þau í fyrsta sinn frammi fyrir því eiga að velja sér braut í lífinu.

Hjörtur Jónas Klemensson formaður nemendaráðs hélt ræðu og fór yfir félagsstarf nemenda í vetur. Þakkaði hann samnemendum, kennurum og starfsmönnum Þrumunnar fyrir gott samstarf.

Þá var komið að því að veita viðurkenningar. Guðlaug Erlendsdóttir aðstoðarskólastjóri afhenti viðurkenningarnar fyrir vel unnin verkefni.

Stuttmyndagerð er árlegt verkefni hjá elsta stiginu og eru veitt verðlaun fyrir þrjú efstu sætin.

Þriðju verðlaun hlutu nemendur úr 10.bekk fyrir myndina White Chicks. Þetta voru þær Thelma Dögg og Kolbrún Richardsdóttir í 10.A og Tinna Dögg og Bríet Rose í 10.V. 
Í öðru sæti varð myndin Footloose sem unnin var af nemendum í 9.bekk.

Fyrstu verðlaun hlaut myndin Grease, sem nemendur í 10. bekk gerðu. Þetta voru þær Hjördís Emma og Elíasbet Ýrr í 10.V og þær Hildur Harpa, Kristín Björg, Angela, Arna Rún, Edda Geirdal, Stefanía Ósk og Eydís í 10.A.

Á hverju ári tilnefna kennarar við skólann nemendur sem þykja hafa sýnt mikla hjálpsemi, dugnað og jákvæðni í starfinu yfir veturinn. Í ár voru það nokkrir nemendur í 10. bekk sem hlutu þessa viðurkenningu.

Þær Elísabet Ýrr í 10.V og Eydís í 10.A hjóta viðurkenningu fyrir mikla elju og dugnað í vinnu skólablaðsins.

 
Þeir Flóvent Adhikari og Agnar Guðmundsson í 10.V hlutu viðurkenningu fyrir hjálpsemi, jákvæðni og dugnað.

Fyrir framúrskarandi árangur í listum fengu tveir nemendur viðurkenningu, þetta voru þær Ágústa María Ohlsson í 10.A og Aðalfríður Mekkín Samúelsdóttir í 10.V.

Fyrir framúrskarandi árangur í verkgreinum hlaut Kristín Björg Ómarsdóttir í 10.A viðurkenningu.

Fyrir vel unnin störf í þágu nemenda hlaut Hjörtur Jónas Klemensson í 10.A viðurkenningu.

Fyrir góðan árangur í íþróttum pilta og stúlkna veitir Ungmennafélag Grindavíkur farandbikar og skjöld til eignar. Íþróttakona Grunnskóla Grindavíkur vorið 2021 er Eydís Steinþórsdóttir í 10.A og íþróttamaður Grunnskóla Grindavíkur er Ingólfur Hávarðarson í 10.V.

Fritz Fabian Haraldsson í 10.A tók sig til og skipulagði skólaskákmót í vetur og sá hann um að auglýsa, skipuleggja og gera allt klárt fyrir mótið. Sigurvegari mótsins var Fóvent Adhikari.

Landsbanki Íslands hefur í mörg ár veitt verðlaun til nemenda fyrir góðan árangur í stærðfræði. Í ár fékk Eydís Steinþórsdóttir í 10.A viðurkenningu fyrir framúrskarandi árangur í stærðfræði. Einnig hlaut Eydís viðurkenningu fyrir afbragðsárangur í íslensku.

Fyrir framúrskarandi árangur í dönsku hlaut Kristín Björg Ómarsdóttir í 10.A viðurkenningu. Þess má geta að Kristín hefur þegar lokið stúdentsprófi í dönsku.

Fyrir framúrskarandi árangur í ensku fékk aðalfríður Mekkín Samúelsdóttir í 10.V viðurkenningu.

Að lokum var veitt viðurkenning fyrir góðan námsárangur í 10.bekk. Í ár hlaut Eydís Steinþórsdóttir í 10.A viðurkenningu.

Þegar nemendur höfðu veitt viðurkenningum viðtöku var komið að afhendingu prófskírteina. Umsjónarkennarar 10.bekkja, Anna Þórunn Guðmundsdóttir og Valdís Inga Krisitnsdóttir aðstoðuðu við afhendingu skírteinanna og var greinilegt að nemendur munu sjá á eftir kennurum sínum því þau voru mörg faðmlögin sem sáust þegar skírteinin voru afhent.

Í lok athafnar fengu fulltrúar nemenda í 10.bekk orðið og voru það þau Arna Rún Reynisdóttir og Ingólfur Hávarðarson sem veittu umsjónarkennurum sínum gjöf með þökkum fyrir samstarfið í vetur.

Eftir útskriftina var síðan kaffisamsæti þar sem nemendur og foreldrar gæddu sér á veitingum sem framreiddar voru af Höllu Sveinsdóttur og Rögnu Sigurðardóttur ásamt starfsfólki skólans.

• Síðast uppfært: 10. júní 2021