Upptaka fr� 517. fundi b�jarstj�rnar �samt fundarger�

Fr�ttir
28. apr�l 2021

Í gær fór fram fundur bæjarstjórnar Grindavíkur nr. 517 en honum var streymt í gegnum YouTube rás bæjarins og hægt er að nálgast upptökuna hér fyrir neðan. Lagður var fram ársreikningur til fyrri umræðu. Þá var til umfjöllunar breytingar á deiliskipulagi við Víðihlíð og framkvæmdaleyfi vegna frmakvæmda í tengslum við eldgos í Fagradalsfjalli var samþykkt. Fundargerðin í heild sinni er fyrir neðan upptökuna.

517. fundur bæjarstjórnar Grindavíkur haldinn í bæjarstjórnarsal, 27. apríl 2021 og hófst hann kl. 16:00.
Fundinn sátu:
Sigurður Óli Þórleifsson, forseti, Birgitta H. Ramsay Káradóttir, aðalmaður,
Guðmundur L. Pálsson, aðalmaður, Hjálmar Hallgrímsson, aðalmaður,
Hallfríður G Hólmgrímsdóttir, aðalmaður, Páll Valur Björnsson, aðalmaður og
Helga Dís Jakobsdóttir, aðalmaður.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:

1. Ársuppgjör 2020 - Grindavíkurbær og stofnanir - 2103084
Lilja D. Karlsdóttir, endurskoðandi hjá KPMG, kom á fundinn og fór yfir endurskoðunarskýrslu vegna endurskoðunar ársins 2020 og svaraði fyrirspurnum. Aðrir sem til máls tóku: Sigurður Óli.

Ársreikningur Grindavíkurbæjar og stofnana fyrir árið 2020 er lagður fram til fyrri umræðu.

Bókun

Rekstrarniðurstaða A-hluta er afgangur að fjárhæð 33,3 milljónir króna. Áætlun gerði ráð fyrir 88,3 milljónum króna í rekstrarafgang. Rekstrarniðurstaða í samanteknum reikningsskilum A og B hluta, er 106,9 milljónir króna í afgang en áætlun gerði ráð fyrir 102,8 milljónum króna í rekstrarafgang. Helstu frávik í rekstri samantekinna reikningsskila A og B hluta eru: - Útsvar og fasteignaskattur eru 19,2 milljónum króna lægri en áætlun gerði ráð fyrir. - Framlög Jöfnunarsjóðs eru 7,4 milljónum króna lægri en áætlun. - Aðrar tekjur eru 48,7 milljónum króna hærri en áætlun. - Laun og launatengd gjöld eru 7,0 milljónum króna lægri en áætlun. - Breyting lífeyrisskuldbindingar við B-deild LSR er 5,5 milljónum króna yfir áætlun. - Annar rekstrarkostnaður er 35,3 milljónum króna lægri en áætlun gerði ráð fyrir. - Afskriftir eru 9 milljónum króna lægri en áætlun. - Fjármunatekjur og fjármagnsgjöld eru 63,8 milljónum króna óhagstæðari en áætlun gerði ráð fyrir. Heildareignir í samanteknum reikningsskilum A og B hluta eru 11.045,6 milljónir króna. Heildarskuldir og skuldbindingar eru 1.984,3 milljónir króna. Lífeyrisskuldbinding hækkar frá árinu 2019 og er 643,2 milljónir króna og þar af er áætluð næsta árs greiðsla 33,0 milljónir króna. Langtímaskuldir við fjármálastofnanir eru 198,2 milljónir króna og þar af eru næsta árs afborganir 9,5 milljónir króna. Eigið fé í samanteknum reikningsskilum er 9.155,9 milljónir króna og er eiginfjárhlutfall 82,9%.

Skuldahlutfall A- og B-hluta skv. 2. tl. 64. gr. sveitarstjórnarlaga nemur 50,5% af reglulegum tekjum. Ef undanskilin er skuld að fjárhæð 571,8 milljónir króna sem til er komin vegna kaupa á Orkubraut 3 af HS Orku hf. og er greidd með auðlindagjaldi og lóðarleigu frá HS Orku hf. , þá er skuldahlutfallið 35,2%. Skuldaviðmið skv. 14. gr. reglugerðar nr. 502 frá 2012 er negatíft í bæði í A-hluta og A- og B-hluta þar sem hreint veltufé er hærra en heildarskuldir að teknu tilliti til frádráttar vegna lífeyrisskuldbindingar. Rekstur í samanteknum reikningsskilum A og B hluta skilaði 481,0 milljónum króna í veltufé frá rekstri sem er 12,8% af heildartekjum en áætlun gerði ráð fyrir veltufé frá rekstri að fjárhæð 474,4 milljónum króna. Fjárfesting í varanlegum rekstrarfjármunum í samanteknum reikningsskilum A og B hluta nam á árinu 2020, 656,2 milljónum króna en áætlun gerði ráð fyrir 973,2 milljónum króna. Á árinu voru engin ný lán tekin en afborganir langtímalána voru 9,7 milljónir króna. Handbært fé lækkaði um 76,7 milljónir króna en áætlun gerði ráð fyrir lækkun að fjárhæð 530,9 milljónum króna. Handbært fé í árslok 2020 var 1.668,4 milljón króna.

Bæjarstjórn samþykkir samhljóða að vísa ársreikningi Grindavíkurbæjar og stofnana hans fyrir árið 2020 til síðari umræðu í bæjarstjórn.

2. Breyting á sveitarstjórnarlögum til að bregðast við neyðarástandi - 2003061
Til máls tók: Sigurður Óli.

Til að tryggja starfhæfi sitt og til að auðvelda ákvarðanatöku við stjórn sveitarfélags er öllum sveitarstjórnum heimilt að taka ákvarðanir sem fela m.a. í sér tímabundin frávik frá skilyrðum tiltekinna ákvæða sveitarstjórnarlaga og 5. gr. auglýsingar um leiðbeiningar um notkun fjarfundarbúnaðar á fundum sveitarstjórna, nr. 1140/2013. Heimild þessi gildir til 31. júlí 2021. AUGLÝSING um ákvörðun samgöngu- og sveitarstjórnarráðherra til að tryggja starfhæfi sveitarstjórna og auðvelda ákvarðanatöku við stjórn sveitarfélaga er lögð fram. Bæjarstjórn samþykkir samhljóða framlengingu til 31. júlí 2021.

3. Vegir í náttúru Íslands - breyting á vegskrá - 2104047
Til máls tóku: Sigurður Óli, Guðmundur og Hallfríður. Lögð fram tillaga að breytingu á orðalagi í vegskrá sbr. reglugerð um vegi í náttúru Íslands samkvæmt lögum um náttúruvernd nr. 260/2018. Sveitarfélagið hefur ekki heimild til að takmarka umferð á vegum og stígum í vegskrá umfram það sem lög segja til um. Skipulagsnefnd samþykkti breytinguna á 85. fundi sínum þann 19. apríl sl. og vísaði afgreiðslunni til staðfestingar bæjarstjórnar. Bæjarstjórn samþykkir samhljóða afgreiðslu skipulagsnefndar.

4. Breyting á deiliskipulagi við Víðihlíð - 2102113
Til máls tóku: Sigurður Óli, Guðmundur, Hallfríður, Páll Valur og Hjálmar.

Áður auglýst tillaga að breytingu á deiliskipulagi Víðihlíðar tekin til umfjöllunar. Eftirfarandi breytingar eru gerðar á tillögunni eftir auglýsingu:

Að bygging sem fyrirhugað er að hýsi félagsaðstöðu eldri borgara í Grindavík verði gerð að tveggja hæða byggingu en var ein hæð í auglýstri tillögu.
Að fjölbýlishús næst Víðihlíð merkt 1,2,3 og 4 hækki um eina hæð m.v. auglýsta tillögu að því gefnu að því fylgi bílakjallari.
Að heimild verði fyrir bílageymslu undir grænu svæði milli lóða 1 og 4.
Að bílastæðum verði bætt við á uppdrátt austan við hús nr. 3. Skipulagsnefnd samþykkti breytinguna á fundi sínum þann 19. apríl sl. ásamt því að samþykkt var að auglýsa deiliskipulagstillöguna aftur í samræmi við skipulagslög.

Bókun skipulagsnefndar var vísað til bæjarstjórnar til afgreiðslu. Bæjarstjórn samþykkir samhljóða afgreiðslu skipulagsnefndar.

5. Framkvæmdaleyfi vegna framkvæmda í tengslum við eldgos í Fagradalsfjalli - 2104041
Til máls tóku: Sigurður Óli og bæjarstjóri. Sviðsstjóri skipulags- og umhverfissviðs óskar eftir heimild skipulagsnefndar til að samþykkja framkvæmdaleyfi vegna nauðsynlegra framkvæmda m.a. til að tryggja öryggi gesta, innviðauppbyggingu og verndun náttúru vegna eldgoss í Fagradalsfjalli. Allar framkvæmdir á svæðinu eru unnar í samvinnu við landeigendur, Umhverfisstofnun ásamt öðrum þar til bærum aðilum. Skipulagsnefnd samþykkti erindið á 85. fundi sínum þann 19. apríl sl. og vísar til afgreiðslu bæjarstjórnar.

Bæjarstjórn samþykkir samhljóða afgreiðslu skipulagsnefndar.

6. Endurskoðun menningarstefnu Grindavíkurbæjar - 1903070
Til máls tóku: Sigurður Óli, Páll Valur, Guðmundur, Hallfríður, Birgitta, Hjálmar og Helga Dís. Drög að menningarstefnu Grindavíkurbæjar lögð fram til afgreiðslu. Tillaga Lagt er til að fresta afgreiðslu málsins til næsta bæjarstjórnarfundar.

Bæjarstjórn samþykkir tillöguna með 6 atkvæðum, Páll Valur greiðir atkvæði á móti.

7. Heimsendur matur - Bakkar - 2102127
Til máls tók: Sigurður Óli.

Bæjarráð leggur til við bæjarstjórn að hækka gjaldskrárliðinn "Matur í Víðihlíð, heimkeyrsla" úr 1.250. kr. í 1.340 kr. Bæjarráð leggur jafnframt til að hækkun tekna verði notaðar til að fjármagna umbúðir undir matinn.