Ár 2003, þriðjudaginn 3. desember kom hafnarstjórn Grindavíkur saman til fundar að Víkurbraut 62 kl. 16,00.
Undirritaðir voru mættir - þetta gerðist,
1. Heimsókn forsvarsmanna fyrirtækja í Grindavík.
Til fundar mættu forráðamenn nokkurra útgerðarfyrirtæka í Grindavík til að ræða um rekstur og framkvæmdir við höfnina á næstu árum.
2. Samgönguáætlun 2005 til 2008.
Bæjarstjóra og hafnarstjóra falið að koma á framfæri óskum til Siglingastofnunar um framkvæmdir í höfninni fyrir endurskoðun á siglingaáætlun 2005 til 2008.
3. Dufl við innsiglingu.
Hafnarstjóri upplýsti að komið væri samþykki frá Siglingastofnun um niðursetningu á viðbótar dufli við ytri enda innsiglingarennu að vestan verðu. Áætlaður kostnaður um 1. milljón króna.
4. Hafnarvernd, hvað er í vændum.
Hafnarstjóri fór yfir nýjar kröfur um vottun hafna til útflutnings. Fyrir liggur að til að höfn geti verið útflutningshöfn þarf að fá vottun Siglingastofnunar. Gert er ráð fyrir að girða þurfi af svæði fyrir skip við lestun og losun.
5. Bréf frá samtökum uppboðsmarkaða vogargjöld.
Óskað er upplýsinga um þjónustugjöld hafnarinnar. Hafnarstjóri hefur þegar svarað bréfinu.
6. Fjárhagsáætlun 2004.
Fram kemur að áætlað er að heildar tekjur hafnarinnar verði um 103 milljónir króna. Heildargjöld 41, 7 milljón króna. Vaxtagjöld 18,4 milljónir og afskriftir krónur 45,9 milljónir króna. Hagnaður af rekstri 3,5 milljónir króna.
Hafnarstjórn samþykkir áætlunin fyrir sitt leyti og vísar til afgreiðslu bæjarstjórnar.
Fleira ekki gert og fundi slitið kl. 18:00.
Ólafur Örn Ólafsson
ritaði fundargerð
Margrét Gunnarsdóttir Viktor Jónsson
Ólafur Sigurpálsson Sigurður Gunnarsson
Andrés Óskarsson Sverrir Vilbergsson