Öll börn komast inn hjá dagforeldrum og inn í leikskóla

  • Fréttir
  • 12. apríl 2021

Útlit er fyrir að öll börn, sem verða orðin 18 mánaða í ágúst og þurfa á vistun að halda næsta skólaár komist inn í leikskóla Á fundi fræðslunefndar í síðustu viku var lagt fram minnisblað frá leiskólaráðgjafa um fjölda barna á biðlista eftir leikskólaplássi. Þá voru lagðar fram tillögur skólastjórnenda um fjölda barna í hvorum leikskóla fyrir skólaárið 2021-2022.  Heilsuleikskólinn Krókur verður með 110 börn og Leikskólinn Laut 88 börn sem er sami fjöldi og skólaárið 2020-2021. Í ágúst verða öll börn 18 mánaða eða eldri komin með leikskólapláss miðað við biðlistann í dag.

Hjá dagforeldrum er staðan sú að líklegt er að öll börn undir 18 mánaða sem óskað er eftir að fái vistun hjá dagforeldrum fái pláss. Útlit er fyrir að 7 dagforeldrar verði starfandi með pláss fyrir 28 börn.

 


Deildu ţessari frétt