108. fundur Fræðslunefndar haldinn sem fjarfundur í Teams, 8. apríl 2021 og hófst hann kl. 16:30.
Fundinn sátu:
Guðmundur Grétar Karlsson, formaður, Arna Björg Rúnarsdóttir, aðalmaður, Siggeir Fannar Ævarsson, aðalmaður, Jóhanna Sævarsdóttir, aðalmaður, Sævar Þór Birgisson, varamaður, Dagmar Lilja Marteinsdóttir, áheyrnarfulltrúi, Rakel Eva Eiríksdóttir, áheyrnarfulltrúi, Valdís Inga Kristinsdóttir, varam. áheyrnarfulltrúa, Fríða Egilsdóttir, leikskólastjóri, Guðbjörg Málfríður Sveinsdóttir, grunnskólastjóri, Hulda Jóhannsdóttir, leikskólastjóri, Sigurlína Jónasdóttir leikskólafulltrúi.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Skóladagatal 2021-2022 - 2104004
Skóladagatal Grunnskóla lagt fram til samþykktar. Fræðslunefnd samþykkir framlagt dagatal fyrir skólaárið 2021-2022.
2. Staða biðlista og fjöldi barna í leikskólum skólaárið 2021-2022 - 2104005
Lagt fram minnisblað leikskólaráðgjafa um fjölda barna á biðlista eftir leikskólaplássi ásamt tillögu skólastjórnenda um fjölda barna í hvorum skóla skólaárið 2021-2022. Heilsuleikskólinn Krókur verður með 110 börn og Leikskólinn Laut 88 börn sem er sami fjöldi og skólaárið 2020-2021. Í ágúst verða öll börn 18 mánaða eða eldri komin með leikskólapláss miðað við biðlistann í dag.
3. Staða hjá dagforeldrum - 2104006
Lagt fram minnisblað frá leikskólafulltrúa um stöðu vistunarplássa hjá dagforeldrum í Grindavík. Líklegt þykir að öll börn undir 18 mánaða sem óski eftir því fái vistun hjá dagforeldrum. Útlit er fyrir að 7 dagforeldrar verði starfandi með pláss fyrir 28 börn.
Fleira ekki gert. Fundi slitið kl. 17:20.