Fiskveiðar gengu vel í mars mánuði hjá Grindavíkurskipum. Samtals nam landaður afli í marsmánuði 6400 tonnum. En aflinn kom af 42 skipum og bátum í alls 314 löndum. Skuttogarinn Sturla GK 12 landaði mestum afla allra skipa í þessum mánuði í Grindavíkurhöfn eða ríflega 565 tonnum í 10 róðrum. Línuskipið Jóhanna Gísladóttir GK 557 landaði 493 tonnum í 6 róðrum og skuttogarinn Bylgja VE 75 landaði 457 tonnum í 7 róðrum. Annar frystitogari Þorbjarnar hf landaði í Hafnarfirði í marsmánuði en Tómas Þorvaldsson landaði 405 tonnum af afurðum í Grindavíkurhöfn. Aðeins einn netabátur landaði í marsmánuði en það var Erling KE 140 með 172 tonn í 6 róðrum. Dragnótabáturinn Ísey EA 40 landaði 56 tonnum í 5 róðrum. Af smærri línubátunum var Hafrafell SU 65 með 147 tonn í 17 róðrum, Geirfugl GK 86 með 138 tonn í 17 róðrum og Sævík GK 757 með 130 tonn í 18 róðrum. Af handfærabátum var Þórdís GK 68 með tæplega 16 tonn í 9 róðrum, Sigurvon RE 11 var með tæp 11 tonn í 8 róðrum og Grindjáni GK 169 var með 8 tonn í 6 róðrum.