Ár 2003, þriðjudaginn 3. september kom hafnarstjórn Grindavíkur saman til fundar að Víkurbraut 62 kl. 17,00.

Undirritaðir voru mættir - þetta gerðist,



1. Bréf frá Þorbirni Fiskanes hf. dags. 14. júlí 2003.

Bréfið lagt fram.

2. Bréf frá Samherja hf. dags. 10. ágúst 2003.

Bréfið lagt fram.

3. Nýjar reglur um öryggismál í höfnum (frá 1 júlí 2004.).

Settar hafa verið reglur af IMO um aukið öryggi í útflutningshöfnum vegna hættu á hryðjuverkastarfsemi. Siglingamálastofnun er að vinna að handbók um framkvæmd öryggismála í höfnum. Höfnin þarf að vera vottuð til útflutnings frá 1. júlí 2004.

4. Umræða um hafnsögubát.

Rætt um þörf á nýjum hafnsögubát. Hafnarstjóri upplýsti að kostnaður væri á bilinu 30-50 milljónir fyrir endurnýjun. Samkvæmt nýjum hafnarlögum er heimilt að styrkja endurnýjun hafnsögubáta allt að 75%.

5. Umræða um aukið viðlegupláss smábáta.

Brýn þörf er að skapast á auknu viðleguplássi fyrir smábáta. Hafnarstjórn beinir því til bæjarstjórnar að gera ráð fyrir nýrri flotbryggju við næstu fjárhagsáætlun.

Fleira ekki gert og fundi slitið kl. 18:15.

• Síðast uppfært: 22. nóvember 2003