Kort af gönguleiðum A og B og aðrar góðar upplýsingar

• Kvikufréttir
• 1. apríl 2021

Hægt er að nálgast kort af gönguleiðum A og B upp að eldgosinu í Geldingadölum.  Á vef Safe Travel er GPS trakk af gönguleið A (neðri leið á korti). Hún er styðst, tæpir 4 km, ein mjög brött brekka þar sem er reipi til stuðnings. Annars er gengið á hrauni, melum og í fjallshlíðum. Áætla má 2 – 3 klst. á göngu fram og tilbaka fyrir meðalvant göngufólk. Gönguleiðin er stikuð og mjög greinileg.

á vefnum er líka GPS trakk af gönguleið B (efri leið á korti). Hún er rúmir 4 km., brött brekka, án reipis. Annars er gengið á hrauni, melum og í fjallshlíðum. Áætla má 2 – 3 klst. fram og tilbaka fyrir meðalvant göngufólk. Gönguleiðin er stikuð og greinileg.

Smellið hér til að sækja kortaforrit í farsímann með gönguleiðinni (fyrir þá sem ekki eiga GPS tæki).
 

Nauðsynlegt er að vera í góðum gönguskóm, hlýjum fatnaði, vind- og vatnsheldu ysta lagi þar sem veðrið getur breyst skjótt á Íslandi. Sjá ítarlegan útbúnaðarlista hér og smelltu hér til að sjá það allra nauðsynlegasta.

Hér má sjá veðurspá Veðurstofu fyrir gossvæðið.

• Síðast uppfært: 1. apríl 2021