Kalt á leiðinni á gosstöðvar í dag - búið ykkur vel!

• Kvikufréttir
• 30. mars 2021

Búið er að opna svæðið í Geldingadölum. Mikil hálka er á pörtum gönguleiðarinnar og því eindregið mælt með hálkubroddum a.m.k. fyrir óvanara göngufólk. Nokkur vindur (9m/s) er á gossvæðinu og rúmlega 4ja stiga frost og því vel kalt.
Lokað verður fyrir bílaumferð milli Grindavíkur og Ísólfsskála kl 21:00 í kvöld og svæðið rýmt á miðnætti. Stefnt er að því að opna aftur kl 9:00 í fyrramálið.

Bannað er að leggja á Suðurstrandarvegi, leggja skal í bílastæði vestan Ísólfsskála, aðkoma að bílastæði er bæði úr austri og vestri. Gönguleið lengist um allt að 2 km í heild, 1 km hvora leið, áætla má um 40 mín göngu aukalega.

• Síðast uppfært: 30. mars 2021