Ár 2003, þriðjudaginn 4. febrúar kom hafnarstjórn Grindavíkur saman til fundar að Víkurbraut 62 kl. 17,00.



Undirritaðir voru mættir - þetta gerðist,


1. Fjárveitingar og framkvæmdir 2003.
Bréf Siglingamálastofnunar dags. 31. janúar greinir frá 93 milljóna króna fjárveitingu samkvæmt fjárlögum 2003 til uppgjörs eldri framkvæmda í hafnargerði í Grindavík.

Hafnarstjórn samþykkir ráðstöfun fjárveitingarinnar fyrir sitt leiti og staðfestir að staðið verður við hluta Grindavíkurkaupstaðar.

2. Grjót finnst í innsiglingu.
Hafnarstjóri upplýsti að tilkynning hafi komið frá Siglingamálastofnun föstudaginn 31. janúar að við úrvinnslu gagna frá endurmælingu á innsiglingarennunni hafi komið í ljós að stórt grjót hefði fundist í innri hluta innsiglingarinnar til Grindavíkur.

Unnið er að lausn málsins í samráði við Siglingamálastofnun.

3. Umræða um tryggingamál starfsmanna, lóðsmál og fleira því tengt.
Hafnarstjóri fór yfir tryggingamál starfsmanna hafnarinnar og hafnsögumanna.

Með vísan í stafslýsingu hafnsögumanns dags. 28. sept. 1992 samþykkir hafnarstjórn að fella niður 50% álag á greiðslu fyrir hafnsögu frá 1. mars n.k.



Fleira ekki gert og fundi slitið kl. 18.10.


Ólafur Örn Ólafsson
Margrét Gunnarsdóttir

Viktor Jónsson

Ólafur Sigurpálsson

Sigurður Gunnarsson

Andrés Óskarsson

Sverrir Vilbergsson

• Síðast uppfært: 22. nóvember 2003