1575. fundur bæjarráðs Grindavíkur haldinn í bæjarstjórnarsal, 16. mars 2021 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi
og Helga Dís Jakobsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs
og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður eftir að taka á dagskrá mál með afbrigðum sem 7. mál: 2001074 - Jarðskjálftar og landris við Grindavík.
Samþykkt samhljóða.
Dagskrá:
1. Ósk um bætta aðstöðu vegna farnetssambands - 2103053
Fulltrúar Mílu ehf. komu á fundinum í gegnum fjarfundarbúnað. Míla leggur fram eftirfarandi beiðnir til að bæta fjarskiptasamband í Grindavík og til að tryggja rekstraröryggi ef rafmagn fer af bænum:
1. Míla ehf óskar eftir að reisa mastur á lóð félagsins við Víkurbraut 25. 18 m. háan járnstaur til að hýsa farsímaloftnet og þar með bæta farnetssamband í Grindavíkurbæ.
2. Míla ehf óskar eftir að setja farsímaloftnet í 15-18 m hæð við norður hluta bæjarins á hentugum stað.
3. Míla ehf óskar eftir að Grindavíkurbær setji í deiliskipulag aðstöðu fyrir farsímafélög við í austurhluta bæjarins.
Bæjarráð felur sviðsstjóra skipulags- og umhverfissviðs að vinna málið áfram.
2. Niðurgreiðslur vegna daggæslu dagforeldra - 2102170
Sviðsstjóri félagsþjónustu- og fræðslusviðs sat fundinn undir þessum dagskrárlið.
Lagt fram minnisblað sviðsstjóra félagsþjónustu- og fræðslusviðs.
Bæjarráð vísar málinu til fjárhagsáætlunargerðar fyrir árið 2022.
3. Starfsmannastefna - breyting vegna jafnlaunastefnu - 2103052
Breytingin felur í sér tilvísun í lög 150/2020 í stað brottfelldra laga nr. 10/2008.
Bæjarráð vísar stefnunni til staðfestingar í bæjarstjórn.
4. Jafnlaunakönnun 2021 - 2103043
Skýrsla PwC um jafnlaunakönnun lögð fram.
5. Áskorun vegna framtíðaruppbyggingar á Reykjanesi - 2103046
Samtök Atvinnurekenda Reykjanesi (SAR) vilja skora á allar bæjarstjórnir á Reykjanesi að sameinast um framtíðar uppbyggingu svæðisins og þar með að beita sér meðal annars fyrir því að raforkudreifing inn á svæðið verði tryggð með lagningu Suðurnesjalínu II, Reykjanesbraut verði kláruð og að verkefni finnist fyrir Helguvíkurvíkurhöfn sem standast kröfur og samræmast stefnu sveitarfélaganna og Kadeco um uppbyggingu svæðisins.
Bæjarráð tekur undir áskorun SAR.
6. Sjúkraflutningar í Grindavík - 2011114
Lagður fram samningur um sjúkraflutninga á svæði HSS ásamt samkomulagi um breytingar á samningnum.
7. Jarðskjálftar og landris við Grindavík - 2001074
Farið yfir stöðu mála.
Fleira ekki gert. Fundi slitið kl. 17:15.