Áfram ţarf ađ gera ráđ fyrir ađ gos geti brotist út

  • Almannavarnir
  • 10. mars 2021

Virkni í morgun var staðbundin syðst í kviuganginum og er líklega til marks um stækkun gangsins. Veðurstofa Íslands uppfærði fréttir sínar kl. 8 í morgun og má finna hér fyrir neðan og á meðfylgjandi tengli. 

Í nótt mældist skjálfti af stærð 5,1 kl. 03:14 í suðvesturhorni Fagradalsfjalls og fannst hann á Reykjanesskaga, höfuðborgarsvæðinu, austur á Hellu og norður í Búðardal. Alls hafa um 700 jarðskjálftar mælst frá miðnætti, þar af 20 yfir 3,0 að stærð.

Virknin, líkt og i gær, er að mestu bundin við suðurhluta Fagradalsfjalls en nokkrir skjálftar mældust rétt norðaustur af Grindavík í nótt, sá stærri M3.9 kl. 04:35 og við örfáir við Trölladyngju.

Enginn gosórói hefur mælst, né afgerandi breytingar í GPS gögnum.

Í gær mældust um 2900 jarðskjálftar á Reykjanesskaga, sá stærsti 4,0 að stærð kl. 23:01 í gǽrkvöldi. Í gærmorgun uppúr kl. 5 jókst virknin eftir rólegan sólahring þegar að órói greindist í suðurhluta gangsins. Í kjölfarið varð virknin aðallega bundin við suðurhluta Fagradalsfjalls.

 

 


Deildu ţessari frétt