1573. fundur bæjarráðs Grindavíkur haldinn í bæjarstjórnarsal, 2. mars 2021 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi,
Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður eftir að taka á dagskrá mál með afbrigðum sem 8. mál: 2001074 - Jarðskjálftar og landris við Grindavík.
Samþykkt samhljóða.
Dagskrá:
1. Kjarasamningar - Stytting vinnuviku - 2005108
Launafulltrúi og forstöðumaður sambýlis á Túngötu 15-17 sátu fundinn undir þessum dagskrárlið. Lögð fram tillaga að breyttu vaktafyrirkomulagi á sambýlinu á Túngötu.
Bæjarráð samþykkir tillöguna.
2. Niðurgreiðslur vegna daggæslu dagforeldra - 2102170
Bæjarráð felur sviðsstjóra félagsþjónustu- og fræðslusviðs að vinna málið áfram.
3.Frumvarp til stjórnarskipunarlaga - 2102158
Stjórnskipunar- og eftirlitsnefnd Alþingis hefur til meðferðar frumvarp stjórnskipunarlaga um breytingu á stjórnarskrá lýðveldisins Íslands, nr. 33/1944, með síðari breytingum (kosningaaldur), 188. mál. Málið er lagt fram.
4. Víkurfréttir - stuðningur - 2102157
Borist hefur erindi frá ritstjóra Víkurfrétta um stuðning við sjónvarpsþáttaframleiðslu.
Bæjarráð samþykkir 300.000 kr. stuðning auk virðisaukaskatts.
5. Sveitarfélögin og heimsmarkmið Sameinuðu þjóðanna - 1902060
Theodóra Þorsteinsdóttir frá Isavia kom á fundinn í gegnum Teams og fór yfir stöðuna á Suðurnesjavettvangi. Öll sveitarfélög á Suðurnesjum ásamt Isavia og Kadeco vinna að því að innleiða heimsmarkmið SÞ.
6. Framtíðarstaður fyrir móttökustöð og geymslusvæði - 2102165
Bæjarráð felur sviðsstjóra skipulags- og umhverfissviðs að finna framtíðarstað fyrir móttökustöð Kölku og geymslusvæði bæjarins.
7. Starfsmannamál - trúnaðarmál - 2102171
Lagt fram sem trúnaðarmál.
8. Jarðskjálftar og landris við Grindavík - 2001074
Bæjarstjóri fór yfir stöðu mála. Bæjarráð leggur til við bæjarstjórn að samþykkja viðauka fyrir árið 2021 á rekstrareininguna "07451 - Náttúruvá - jarðskjálftar og eldgos" að fjárhæð 10.000.000 kr. sem fjármagnaður verði með lækkun á handbæru fé.
Fleira ekki gert. Fundi slitið kl. 17:55.