Sandfell SU 75

• Höfnin
• 23. febrúar 2021

Línubátur Loðnuvinnslunnar á Fáskrúðsfirði, Sandfell SU 75 landaði 15 tonnum á Miðgarði í dag. Þórir SF 77, Bylgja VE, Áskell, Páll Jónsson GK, Óli Á Stað GK, Frosti ÞH og Tómas Þorvaldsson GK eru meðal þeirra fjölmörgu skipa sem landa í Grindavíkurhöfn í dag. Á morgun er von á Sighvati GK, Valdimari GK og Hrafni Sveinbjarnasyni GK til löndunar. Almennt er fiskeríið mjög gott í troll og á línu. Mjög lítið er um netabáta í Grindavík sem telst ekki lengur til tíðinda. Grindvísk fyrirtæki í þjónustu fyrir sjávarútveg hafa í nógu að snúast. Grindavík er ein stærsta löndunarhöfn þorsksins á Íslandi enda eru höfnin og þjónustufyrirtækin í Grindavík vel í stakk búin og vel mönnuð til þess að bregðast við aflahrotum.    

• Síðast uppfært: 23. febrúar 2021