514. fundur bæjarstjórnar Grindavíkur haldinn í bæjarstjórnarsal, 26. janúar 2021 og hófst hann kl. 16:00.
Fundinn sátu:
Sigurður Óli Þórleifsson, forseti, Birgitta H. Ramsay Káradóttir, aðalmaður,
Guðmundur L. Pálsson, aðalmaður, Hjálmar Hallgrímsson, aðalmaður,
Hallfríður G Hólmgrímsdóttir, aðalmaður, Páll Valur Björnsson, aðalmaður og
Helga Dís Jakobsdóttir, aðalmaður.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Páll Valur Björnsson var í fjarsambandi í gegnum Teams.
Dagskrá:
1. Deiliskipulag iðnaðarsvæðis I7 - Beiðni um heimild til að vinna deiliskipulagsbreytingu - 2101047
Til máls tóku: Sigurður Óli og Páll Valur.
Samherji Fiskeldi óskar eftir heimild til að vinna breytingu á gildandi deiliskipulagi á iðnaðarsvæði I7 í Grindavík á kostnað fyrirtækisins. Skipulagsnefnd samþykkti á 82. fundi sínum þann 18. janúar sl. að heimila Samherja Fiskeldi að vinna að deiliskipulagsbreytingu fyrir iðnaðarsvæði i7 í Grindavík á kostnað fyrirtækisins. Deiliskipulagsbreytingin skal vera í samræmi við drög að matslýsingu sem fylgir erindinu. Málsmeðferð verður í samræmi við 1. mgr. 43. gr. skipulagslaga nr. 123/2020.
Bæjarstjórn samþykkir erindið samhljóða.
2. NJARÐVÍKURHÖFN - SUÐURSVÆÐI. Skipulags- og matslýsing, ósk um umsögn - 2012065
Til máls tók: Sigurður Óli.
Reykjanesbær óskar umsagnar við verkefnislýsingu vegna breytinga á aðalskipulagi, gerð deiliskipulags og umhverfismats áætlana vegna Njarðvíkurhafnar - Suðursvæði. Skipulagsnefnd gerði ekki athugasemd við lýsinguna á 82. fundi sínum þann 18. janúar sl.
Bæjarstjórn samþykkir samhljóða afgreiðslu skipulagsnefndar.
3. Víkurbraut 34 - umsókn um byggingarleyfi - 2101045
Til máls tóku: Sigurður Óli og Guðmundur.
Sótt er um byggingarleyfi fyrir Víkurbraut 34 vegna breyttrar notkunar/skráningar. Húsið er notað sem íbúðarhús sem endurspeglar ekki skráningu þess í fasteignaskrá. Víkurbraut 34 er í íbúðarbyggð (ÍB1) samkvæmt aðalskipulagi Grindvíkur 2018-2032. Í samræmi við 3. mgr. 44. gr. skipulagslaga nr. 123/2010 þá telur skipulagsnefnd ekki þörf á grenndarkynningu þar sem umsóknin varðar ekki hagsmuni annarra en umsækjanda. Skipulagsnefnd samþykkti breytinguna á 82. fundi sínum þann 18. janúar sl.
Bæjarstjórn samþykkir breytinguna samhljóða.
4. Umsókn um framkvæmdarleyfi fyrir námuvinnslu í Rauðamel - 2009101
Til máls tók: Sigurður Óli.
Íslenskir aðalverktakar hf. óska eftir að fá framkvæmdaleyfi fyrir námuvinnslu í Rauðamel. Framkvæmdin er í samræmi við aðalskipulag Grindavíkur 2018-2032. Skipulagsnefnd samþykkti framkvæmdarleyfið á 82. fundi sínum þann 18. janúar sl. Í bókun nefndarinnar er vakin athygli umsækjanda á þeim skilyrðum sem sett eru fram í framkvæmdarleyfinu. Erindinu er vísað til bæjarstjórnar til fullnaðarafgreiðslu.
Bæjarstjórn samþykkir erindið samhljóða.
5. Umsókn um framkvæmdarleyfi fyrir námuvinnslu í Stapafelli og Súlum - 2009100
Til máls tók: Sigurður Óli. Íslenskir aðalverktakar hf. óska eftir að fá framkvæmdarleyfi fyrir námuvinnslu í Stapafelli og Súlum. Framkvæmdin er í samræmi við aðalskipulag Grindavíkur 2018-2032. Skipulagsnefnd samþykkti framkvæmdarleyfið á 82. fundi sínum þann 18. janúar sl. Í bókun nefndarinnar er vakin athygli umsækjanda á þeim skilyrðum sem sett eru fram í framkvæmdarleyfinu. Erindinu er vísað til bæjarstjórnar til fullnaðarafgreiðslu.
Bæjarstjórn samþykkir erindið samhljóða.
6. Gerðavellir 17 Húsasótt - 2010048
Til máls tók: Sigurður Óli. Lögð fram beiðni um viðauka að upphæð 14.580.000 kr. vegna Gerðavalla 17 í samræmi við aðgerðaráætlun sem samþykkt var í bæjarráði þann 5. janúar sl. Bæjarráð leggur til við bæjarstjórn að samþykkja viðaukann.
Bæjarstjórn samþykkir viðaukann samhljóða og að fjármögnun viðaukans verði með lækkun á handbæru fé.
7. Bæjarráð Grindavíkur - 1568 - 2101002F
Til máls tóku: Sigurður Óli, Páll Valur, Helga Dís, Birgitta, Hallfríður, Guðmundur, bæjarstjóri, Hjálmar og sviðsstjóri fjármála- og stjórnsýslusviðs.
Fundargerðin er lögð fram til kynningar.
8. Bæjarráð Grindavíkur - 1569 - 2101011F
Til máls tóku: Sigurður Óli, Hallfríður, Guðmundur, Birgitta, bæjarstjóri, Helga Dís, Hjálmar og Páll Valur. Fundargerðin er lögð fram til kynningar.
9. Skipulagsnefnd - 82 - 2101009F
Til máls tóku: Sigurður Óli, Guðmundur, Hallfríður, sviðsstjóri fjármála- og stjórnsýslusviðs, bæjarstjóri, Birgitta, Hjálmar og Páll Valur. Fundargerðin er lögð fram til kynningar.
10. Fræðslunefnd - 105 - 2101003F
Til máls tóku: Sigurður Óli, Helga Dís, Páll Valur, Guðmundur, sviðsstjóri fjármála- og stjórnsýslusviðs, bæjarstjóri, Hallfríður, Birgitta og Hjálmar. Fundargerðin er lögð fram til kynningar.
11. Frístunda- og menningarnefnd - 101 - 2101005F
Til máls tóku: Sigurður Óli, Hallfríður, Birgitta, Helga Dís, bæjarstjóri, Páll Valur og Guðmundur. Fundargerðin er lögð fram til kynningar.
12. Umhverfis- og ferðamálanefnd - 50 - 2101008F
Til máls tóku: Sigurður Óli, Guðmundur, Hallfríður, sviðsstjóri fjármála- og stjórnsýslusviðs, bæjarstjóri og Páll Valur. Fundargerðin er lögð fram til kynningar.
Fleira ekki gert. Fundi slitið kl. 17:10.