Ćvintýraferđir í Laut

  • Fréttir
  • 12. janúar 2021

Það er alltaf nóg um að vera hjá krökkunum og starfsfólki Leikskólans Lautar. Vegna samkomutakmarkana undanfarna mánuði hefur lítið sem ekkert verið farið í heimsóknir eins og hefð er fyrir hjá elstu nemendum leikskóla. Þau fara t.a.m. mikið í heimsóknir í grunnskólann þar sem reynt er að brúa bilið. Þau voru ekki ráðalaus á Laut og fóru í staðinn í ævintýraferðir út í náttúruna.

Um miðjan desember fékk Laufey, sérkennslustjóri og iðjuþjálfi á Laut skemmtilega hugmynd sem síðan var hrint í framkvæmd í kjölfarið. 

"Auglýst var eftir kúlutjaldi sem við fengum gefins og þökkum við kærlega fyrir skjót viðbrögð. Síðan var lagt af stað að morgni dags með bakpoka, tjald, heitt kakó, málmleitartæki, sjónauka, stækkunargler. Slegið var upp tjaldbúðum fyrir neðan Eyjabyggðina í hrauninu og leitað af fjársjóði. Börnin sáu hesta og margt fleira því ýmislegt skemmtilegt leynist í hrauninu. Nú svo kom náttúrulega hellirigning og þá var nú gott að leita skjóls í tjaldinu og gæða sér á heitu kakói, kexi og mandarínum. Stefnt er að því að allar Stjörnurnar okkar fái að fara í svona ævintýraferð um leið og færi gefst til," sagði Fríða Egilsdóttir, leikskólastjóri Lautar. 

Meðfylgjandi myndir eru úr þessari frábæru ævintýraferð nemenda á Laut. 


Deildu ţessari frétt

AĐRAR FRÉTTIR

Fréttir / 14. janúar 2021

Rökkurró í Grindavík

Fréttir / 11. janúar 2021

Útveggir viđbyggingar Hópsskóla rísa

Fréttir / 2. janúar 2021

Hreinsum upp flugeldarusl

Fréttir / 2. janúar 2021

5. flokkur karla í knattspyrnu heiđrađur

Fréttir / 31. desember 2020

Matthías Örn: Kastar á hverjum degi