Bæði í gær og í dag er verður til útivistar eins og best verður á kosið. Yngri íbúar bæjarins nýttu gærdaginn í brekkunum með snjóþotur og sleða og renndu sér bæði í brekku við Hópsskóla og einnig í hinni svokölluðu Bröttubrekku bak við slökkvistöð bæjarins og Rauða krossinn. Búast má við fjölda í brekkunum í dag enda veður svipað. Ekki er ólíklegt að einhverja vanti þotur og því kjörið fyrir þá sem eiga þotur eða sleða sem safna ryki í bílskúr eða geymslunni að auglýsa það fyrir aðra að nota.
Meðfylgjandi myndir voru teknar í gær við Hópsskóla og í Bröttubrekku.