Í dag, Þorláksmessu hafa eflaust fjölmenn skötuhlaðborð í heimahúsum verið slegin af vegna samkomutakmarkana. Unnendur skötu þurfa þó ekki að örvænta því hægt er að fá sér kæsta skötu á þremur veitingastöðum í Grindavík. Þetta eru Fish House, Salhúsið og Sjómannastofan Vör. Í dag eru samkomutakmarkanir sem miðast við 15 manns og hafa þessir staðir gert ráðstafanir. Á Fish House verður t.a.m. boðið upp á skötu í þremur hollum, klukkan 11:00, 12:15 og 13:30.