1553. fundur bæjarráðs Grindavíkur haldinn í bæjarstjórnarsal, 14. júlí 2020 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi. Helga Dís Jakobsdóttir var fjarverandi en í staðinn sat fundinn Sævar Þór Birgisson,varamaður,
Einnig sat fundinn:
Jón Þórisson, sviðsstjóri fjármála- og stjórnsýslusviðs,
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Klappir grænar lausnir - ósk um viðauka - 2007001
Sviðsstjóri skipulags- og umhverfissviðs sat fundinn undir þessum dagskrárlið.
Bæjarráð samþykkir að segja samningnum upp en vísa málinu í áætlunarvinnu fyrir næsta ár og þar verði tekin ákvörðun um áframhald.
2. Efrahóp 29 - húsgrunnur á lóð - 2006069
Sviðsstjóri skipulags- og umhverfissviðs sat fundinn undir þessum dagskrárlið.
Íbúar við EfraHóp leggja fram kvörtun vegna húsgrunns á lóð Efrahópi 29. Lóðin er í eigu Grindavíkurbæjar.
Sigurður Óli víkur af fundi við umræður og afgreiðslu málsins.
Bæjarráð samþykkir að fjarlægja grunninn og felur sviðsstjóra að vinna málið áfram.
3. Innri leiga Eignasjóðs - viðauki við fjárhagsáætlun 2020 - 2007043
Lögð fram beiðni um viðauka við fjárhagsáætlun 2020 vegna endurreiknings á innri leigu eignasjóðs.
Um er að ræða hækkun gjalda aðalsjóðs um 18.226.993 kr. og þjónustumiðstöðvar um 3.409.271 kr. Fjármögnunin er með hækkun tekna eignasjóðs um 21.636.264 kr.
Bæjarráð samþykkir viðaukann.
4. Skatttekjur 2020 - 2007054
Lagt fram yfirlit yfir innheimtu staðgreiðslu og fasteignagjalda árin 2010-2020.
5. Innri langtímalán Grindavíkurbæjar - 2006077
Lagt fram yfirlit yfir lánsfjárþörf B-hluta fyrirtækja Grindavíkurbæjar.
Bæjarráð vísar lánaskjölunum til bæjarstjórnar til samþykktar.
6. Fjárhagsáætlun 2021-2024 - Grindavíkurbær og stofnanir - 2007003
Bréf frá Sambandi íslenskra sveitarfélaga, dags. 2. júlí 2020 um forsendur fyrir vinnslu fjárheimilda ársins 2021 og fjárhagsáætlana til þriggja ára lagt fram.
7. Fasteignagjöld 2021 - 2007050
Lögð fram áætlun fasteignagjalda fyrir árið 2021 miðað við óbreyttar álagningarforsendur.
Heildarfasteignamat í Grindavík er að hækka um 7,7% milli ára en hækkun íbúðarhúsnæðis er um 11%.
8. Leikskólinn Laut - Umsókn um launalaust leyfi - 2007046
Starfsmaður leikskólans Lautar óskar eftir launalausu leyfi til eins árs.
Fyrir liggur jákvæð umsögn leikskólastjóra.
Bæjarráð samþykkir leyfið.
9. Jafnréttis- og aðgerðaáætlun UMFG - 2007051
Lagt fram minnisblað um ákvæði er snúa að jafnréttismálum í samstarfssamningi Grindavíkurbæjar og aðalstjórnar UMFG og samskipta sviðsstjóra frístunda- og menningarsviðs við aðalstjórn UMFG vegna jafnréttismála innan félagsins.
Bókun
Síðastliðinn vetur gerði Grindavíkurbær tímamótasamning við UMFG, voru styrkir hækkaðir umtalsvert og sameiginlegur framkvæmdarstjóri ráðinn til félagsins. Fulltrúi B lista telur þetta vera jákvæðar breytingar. En í ljósi umræðu innan knattspyrnudeildar nú í sumar, þá vill fulltrúi B lista árétta, að nú er árið 2020 og öll mismunum kynjanna er ekki boðleg. Afreksþjálfun ungra iðkenda er vandmeðfarin, eftirfarandi grein er í samstarfssamningi UMFG og Grindavíkurbæjar: „að tryggt sé að stúlkur og drengir fái jöfn tækifæri til að stunda íþróttir og jafnræðis sé gætt þegar kemur að ráðningu þjálfara fyrir kynin, úthlutun æfingatíma o.s.frv.“ Fulltrúi B lista gerir þá kröfu á stjórn knattspyrnudeildar og barna- og unglingaráðs að standa við ákvæði samningsins og gæta þess að jafnrétti sé ávallt haft í fyrirrúmi. Afreksþjálfarar verða að deila sínum tíma jafnt á milli kynja.
Fulltrúi B-lista.
10. Ábending frá Réttindagæslumanni fatlaðs fólks í Hafnafirði og á Suðurnesjum. - 2007053
Bæjarráð áréttar samþykktir frá 18. febrúar 2020 í bæjarráði "jafnframt skal starfsfólk tryggja eftir mætti lyfjagjafir í öðrum tilvikum ef mælt er fyrir um það í læknisvottorði að lyfjagjöf á skólatíma sé nauðsynleg fyrir heildstæða velferð og líðan barnsins".
Bæjarráð felur sviðsstjóra félagsmála- og fræðslusviðs að svara erindinu og koma málinu í ásættanlegan farveg.
11. Forkaupsréttur vegna sölu á skipinu Sturla GK-124 - 2007031
Bæjarráð samþykkir samhljóða að falla frá forkaupsrétti.
12. Öldungaráð Suðurnesja - fundargerð - 2007047
Fundargerðin er lögð fram til kynningar.
13. Afgreiðslunefnd byggingarmála - 46 - 2007002F
Fundargerðin er lögð fram til kynningar.
14. Umhverfis- og ferðamálanefnd - 46 - 2007001F
Fundargerðin er lögð fram til kynningar.
Fleira ekki gert. Fundi slitið kl. 16:50.