1552. fundur bæjarráðs Grindavíkur haldinn í bæjarstjórnarsal, 23. júní 2020 og hófst hann kl. 16:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Hallfríður G Hólmgrímsdóttir, aðalmaður, Páll Valur Björnsson, áheyrnarfulltrúi og Helga Dís Jakobsdóttir, áheyrnarfulltrúi, Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður eftir að taka á dagskrá mál með afbrigðum sem 10. mál á dagskrá:
Rekstrarleyfi veitingastaðar í flokki II, Halpal slf - mál 2005107.
Samþykkt samhljóða.
Dagskrá:
1. Umsóknir um starfsstyrki á frístunda- og menningarsviði 2021 - 2006013
Sviðsstjóri frístunda- og menningarsviðs sat fundinn undir þessum dagskrárlið.
Tvær umsóknir bárust. Tillaga frístunda- og menningarnefndar að afgreiðslu starfsstyrkja á frístunda- og menningarsviði 2021 lögð fram.
Bæjarráð samþykkir umsóknirnar og vísar erindinu til fjárhagsáætlunar ársins 2021.
2. Húsaleigusamningur - Skólabraut - 2005103
Sviðsstjóri frístunda- og menningarsviðs sat fundinn undir þessum dagskrárlið.
1. og 2. grein samnings við Sölku Völku, félags handverksfólks í Grindavík, frá 2015 hefur verið sagt upp. Lagt er til bjóða félaginu Mánagötu 6 (Gesthús) til afnota.
Bæjarráð samþykkir að félagið fái afnot af Mánagötu 6 frá og með næsta hausti og felur sviðsstjóra frístunda- og menningarsviðs að útbúa samning við félagið.
3. Sumarstörf 2020 - 2004020
Sviðsstjóri frístunda- og menningarsviðs og sviðsstjóri skipulags- og umhverfissviðs sátu fundinn undir þessum dagskrárlið.
Lagt fram minnisblað sviðsstjóra frístunda- og menningarsviðs vegna sumarstarfa 2020.
4. Frágangur á lóð í kringum íþróttahús - 1909018
Sviðsstjóri frístunda- og menningarsviðs og sviðsstjóri skipulags- og umhverfissviðs sátu fundinn undir þessum dagskrárlið.
Hönnun á frágangi í kringum íþróttahús ásamt kostnaðaráætlun lögð fram. Áætlun er yfir ramma fjárhagsáætlunar. Hugmyndir um breytingar á verki voru kynntar.
5. Innkaup- Rammasamningur Ríkiskaupa - 2006035
Sviðsstjóri skipulags- og umhverfissviðs og lögfræðingur tæknideildar sátu fundinn undir þessum dagskrárlið.
Grindavíkurbær er aðili að rammasamningi ríkiskaupa. Þau markmið sem lagt er upp með í rammasamningi eru ekki að nást, þ.e. í rammasamningi eru ekki endilega hagstæðustu verð. Lagt er til að hætta aðild að rammasamningi og aðlaga innkaupareglur bæjarins að því.
Bæjarráð leggur til við bæjarstjórn að Grindavíkurbær hætti í rammasamningi ríkiskaupa og að innkaupareglur bæjarins verði lög um opinber innkaup.
6. Grenndarstöðvar - 2006033
Sviðsstjóri skipulags- og umhverfissviðs sat fundinn undir þessum dagskrárlið.
Hugmyndir að grenndarstöðvar frá Kölku lagðar fram.
Umhverfis- og ferðamálanefnd telur mikilvægt að komið verði upp grenndarstöð í bæjarfélaginu og að hún verði á aðgengilegum stað fyrir bæjarbúa. Mikilvægt er að huga vel að umhverfi grenndarstöðvar og að það sé snyrtilegt.
Bæjarráð felur sviðsstjóra skipulags- og umhverfissviðs að vinna málið áfram.
7. Óskipt land Þórkötlustaða - 2002028
Minnisblað bæjarstjóra lagt fram.
Óskað er eftir heimild bæjarráðs til að ganga til samninga um kaup á smæstu hlutunum í hinu óskipta landi. Kaupverð eignarhlutanna yrði á grundvelli útreikninga sem fram koma í Excel skjali. Jafnframt er óskað eftir 9.000.000 kr. viðauka við fjárhagsáætlun 2020
Bæjarráð felur bæjarstjóra að vinna málið áfram. Jafnframt leggur bæjarráð til við bæjarstjórn að samþykkja viðauka við fjárfestingaáætlun 2020 að fjárhæð 9.000.000 kr. sem fjármagnaður verði með lækkun á handbæru fé.
8. Beiðni um aðstoð við rekstur kirkjugarðsins á Stað - 2006056
Sóknarnefnd Grindavíkursóknar óskar eftir aðstoð við rekstur kirkjugarðsins þar sem kostnaður við hverja graftöku er töluvert hærri en framlag ríkisins.
Bæjarráð frestar afgreiðslu málsins og felur bæjarstjóra að afla frekari gagna.
9. Samráðsteymi ríkis og sveitarfélaga á Suðurnesjum - 2006063
Óskað er eftir endurstaðfestingu fulltrúa bæjarfélaganna úr starfshópi um Suðurnes í samráðsteymið eða tilnefningu nýrra aðila.
Bæjarráð tilnefnir Fannar Jónasson bæjarstjóra.
10. Rekstrarleyfi veitingarstaðar í flokki II - Halpal slf - 2005107
Helga Dís Jakobsdóttir víkur af fundi við umræður og afgreiðslu málsins.
Lögð fram beiðni um umsögn frá Sýslumanninum á Suðurnesjum vegna rekstrarleyfis veitingarstaðar í flokki II - Halpal slf. en óskað er eftir aukinni opnunarheimild og leyfi til vínveitingasölu til kl. 03:00, aðfararnætur frídaga. Fyrir liggja umsagnir frá HES, Slökkviliði Grindavíkur, byggingarfulltrúanum í Grindavík og lögreglustjóranum á Suðurnesjum.
Bæjarráð getur ekki samþykkt veitingu leyfis sem felur í sér aukinn opnunartíma þar sem lögreglustjórinn á Suðurnesjum hafnar því algjörlega.
Bæjarráð samþykkir hins vegar veitingu óbreytts leyfis.
Fleira ekki gert. Fundi slitið kl. 18:00.