45. fundur umhverfis- og ferðamálanefndar haldinn í bæjarstjórnarsal, 10. júní 2020 og hófst hann kl. 16:15.

Fundinn sátu: Klara Bjarnadóttir,  aðalmaður, Margrét Kristín Pétursdóttir,  varamaður, Sigríður Etna Marinósdóttir,  formaður, Unnar Á Magnússon,  aðalmaður,

Sigurveig Margrét Önundardóttir, boðaði forföll og varamaður hafði ekki tök á að mæta.

Fundargerð ritaði:  Kristín María Birgisdóttir, upplýsinga- og markaðsfulltrúi.

Í upphafi fundar óskaði formaður eftir að fá að taka inn mál númer 2006033 um grenndarstöðvar inn með afbrigðum sem nefndarmenn samþykktu samhljóða. 
 

Dagskrá:

1.     Opin og græn svæði - 1905037
    Davíð Ingi Bustion, sumarstarfsmaður Grindavíkurbæjar á skipulags- og umhverfissviði, kynnti fyrir nefndinni hugmyndir að umbótum á opnum svæðum, útivistarsvæðum og stígum innan bæjarins. Margar góðar hugmyndir komu fram og leggur nefndin til að sá aukni fjöldi sumarstarfsmanna á umhverfissviði bæjarins verði nýttur í þessi verkefni. 
        
2.     Grænni Grindavík - 2003032
    Nefndin felur upplýsinga- og markaðsfulltrúa að vinna málið áfram. 
        
3.     Hjóla- og gönguvika í Grindavík - 2005068
    Nefndin fagnar því að halda skuli hjóla- og gönguviku í Grindavík og hvetur íbúa og fyrirtæki í Grindavík til að taka þátt. 
        
4.     Lausaganga katta - 1906019
    Nefndinni hafa borist nokkur erindi vegna lausagöngu katta. Þar er t.a.m. kvartað yfir ónæði katta og einnig eru áhyggjur af fuglavarpi. Nefndin beinir þeim tilmælum til kattaeigenda að halda köttum inni yfir varptíma fugla og gæta þess að þeir valdi ekki öðrum ónæði. Nefndin telur mikilvægt á varptíma að lausaganga katta sé takmörkuð eins og hægt er, sérstaklega yfir nóttina. Bjöllur eru í sumum tilfellum betri vörn en engin en langbest er að halda þeim inni. Upplýsinga- og markaðsfulltrúa falið að vinna málið áfram.
        
5.     Umhverfisverðlaun 2020 - 2006031
    Nefndin leggur til að frestur til að senda inn tilnefningar verði mánudagurinn 6. júlí. Upplýsinga- og markaðsfulltrúa falið að setja auglýsingu á vefsíðu bæjarins. 
        
6.     Grenndarstöðvar - 2006033
    Nefndin telur mikilvægt að komið verði upp grenndarstöð í bæjarfélaginu og að hún verði á aðgengilegum stað fyrir bæjarbúa. Mikilvægt er að huga vel að umhverfi grenndarstöðvar og að það sé snyrtilegt. 
        

Fleira ekki gert. Fundi slitið kl. 18:35.
 

• Síðast uppfært: 11. júní 2020