44. fundur umhverfis- og ferðamálanefndar haldinn í bæjarstjórnarsal, miðvikudaginn 13. maí 2020 og hófst hann kl. 16:15.

Fundinn sátu:
Sigurveig Margrét Önundardóttir, aðalmaður,
Klara Bjarnadóttir, aðalmaður,
Teresa Björnsdóttir, aðalmaður,
Sigríður Etna Marinósdóttir, formaður,
Unnar Á Magnússon, aðalmaður,
 

Fundargerð ritaði:  Krisín María Birgisdóttir, Upplýsinga- og markaðsfulltrúi.

Dagskrá:

1.     Grænni Grindavík - 2003032
    Nefndin fékk góða kynningu frá Antoni hjá Klöppum, grænum lausnum sem fór yfir markmið framsækinnar umhverfisstjórnunar. Grindavíkurbær hefur greitt aðgang að þjónustunni í nokkur ár. Á næsta fundi nefndarinnar munu liggja fyrir nánari upplýsingar um stöðu sveitarfélagsins og aðgerðaráætlun. 
        
2.     Lausaganga hunda - 1011035
    Nefndin þakkar fyrir erindið og leggur til að bætt verði úr merkingum þar sem lausaganga hunda er bönnuð. Bæta þarf merkingar við Þorbjarnarfell og niðri í Bót. Auk þess leggur nefndin til að birt verði frétt þess efnis bæði á vefsíðu bæjarins og í næsta tölublaði Járngerðar. 

Jafnframt felur nefndin upplýsinga- og markaðsfulltrúa að óska eftir viðaukabeiðni við fjárhagsáætlun svo koma megi upp hundagerði sem fyrst. 
        
3.     Lausaganga katta - 1906019
    Nefndin fór ítarlega yfir málið og tekur undir þær áhyggjur sem íbúar hafa af ónæði við lausagöngu katta. Nefndin skoðaði samþykktir hjá Norðurþingi þar sem lausaganga katta er bönnuð. Nefndin felur upplýsinga- og markaðsfulltrúa að kanna hvernig þeirri samþykkt er framfylgt. Einnig verði gerð frétt á vefsíðu bæjarins með vinsamlegum tilmælum til þeirra sem eiga ketti. 
        
4.     Opin og græn svæði - 1905037
    Nefndin lýsir yfir ánægju með verkefnalistann og þau verkefni sem framundan eru. Þá fagnar nefndin þeim viðbótar sumarstöfum sem boðið var upp á fyrir sumarið. Nefndin bendir á að kjörið væri að laga til á því svæði sem áður var Krílakot þannig að íbúar geti notið þess í sumar og í framtíðinni. Einnig leggur nefndin til að skoðaður verði sá möguleiki að setja niður fótboltamörk á opnum grænum svæðum og jafnvel körfuboltaspjöldum við botlangagötur. 
        

Fleira ekki gert. Fundi slitið kl. 18:15.
 

• Síðast uppfært: 13. maí 2020