Starfsfólk tónlistarskólans hefur nú verið að undirbúa prófatöku nemenda í gegn um netið. Tónfræðiprófin hefjast í dag og hljóðfæraprófin í kjölfarið. Kennarar skólans verða í sambandi við sína nemendur um tímasetningu hljóðfæraprófanna, prófareglur og hvernig skil á prófunum fara fram en prófatíma skólans lýkur 19. apríl nk. Þeir sem ekki eiga möguleika á að taka próf í gegn um netið eru beðnir um að hafa samband við sinn kennara og fá þeir nemendur þá umsögn og vetrareinkunn kennara.