70. fundur skipulagsnefndar haldinn í Gjánni, mánudaginn 23. mars 2020 og hófst hann kl. 16:15.
Fundinn sátu:
Guðmundur L. Pálsson, formaður, Ólafur Már Guðmundsson, aðalmaður,
Anton Kristinn Guðmundsson, aðalmaður, Lilja Ósk Sigmarsdóttir, aðalmaður, Gunnar Már Gunnarsson, aðalmaður, Atli Geir Júlíusson, sviðsstjóri skipulags- og umhverfissviðs.
Fundargerð ritaði: Atli Geir Júlíusson, sviðsstjóri skipulags- og umhverfissviðs.
Dagskrá:
1. Hverfisskipulag í Grindavík - 1909137
Leitað var til þriggja ráðgjafa varðandi ráðgjöf og vinnu við hverfisskipulag í þegar byggðum hverfum í Grindavík.
Sviðsstjóra falið að semja við Verkís á grundvelli verðkönnunar.
2. Deiliskipulagsbreyting vegna Suðurhóps 2 - 2001043
Vegna fyrirhugaðrar viðbyggingar við Hópskóla var farið í grenndarkynningu vegna deiliskipulagsbreytingar. Grenndarkynning fór fram á tímabilinu 21.janúar til 19.febrúar. Athugasemdir bárust sameiginlega frá íbúum Suðurhóps 10, Suðurhóps 12 og 14, Austurhóps 33, 35 og 29.
Afgreiðslu málsins frestað. Sviðsstjóra falið að koma ítarlegri gögnum til íbúa sem gerðu athugasemdir.
3. Breyting á deiliskipulagi við Víðihlíð - 1911034
Gögn vegna fyrirhugaðrar deiliskipulagsbreytingar við Víðihlið lögð fram. Sviðsstjóra falið að vinna málið áfram.
4. Eyjabakki Deiliskipulag - 1711084
Málið lagt fram. Sviðsstjóra falið að vinna málið áfram.
5. Víkurhóp 59 - umsókn um breytingu á deiliskipulagi - 1901077
Þann 29.janúar sl. var lóðarhafa gefin heimild til að fara í deiliskipulagsbreytingu vegna lóðarinnar Víkurhóp 59. Nú er óskað eftir viðbót við þær breytingar sem fyrirhugaðar voru og því aftur óskað eftir heimild til að fara í deiliskipulagsbreytingu.
Skipulagsnefnd felur sviðsstjóra að grenndarkynna fyrirhugaða deiliskipulagsbreytingu fyrir lóðarhöfum Víkurhóps 30 og 47-55.
6. Skipulagsnefnd - umferðar og öryggismál - 2001044
Farið yfir hverjir koma til greina sem ráðgjafar í umferðar- og öryggismálum með skipulagsnefnd.
Skipulagsnefnd velur Eydísi Ármannsdóttur, Bergstein Ólafsson og Vilhjálm Árnason til ráðgjafar við skipulagsnefnd í umferðar- og öryggismálum.
7. Þórkötlustaðir - umsókn um byggingarleyfi - 2003059
Umsókn um byggingarleyfi fyrir stækkun á Þórkötlustöðum í Þórkötlustaðarhverfi. Grenndarkynning hefur þegar farið fram athugasemdalaust.
Skipulagsnefnd samþykkir byggingaráformin. Byggingarfulltrúi gefur út byggingarleyfi þegar tilskyldum gögnum hefur verið skilað inn.
8. Leynisbrún 15 - umsókn um byggingarleyfi - 1908083
Umsókn um byggingarleyfi fyrir framkvæmdum við Leynisbrún 15.
Skipulagsnefnd samþykkir byggingaráformin. Byggingarfulltrúi gefur út byggingarleyfi þegar tilskyldum gögnum hefur verið skilað inn.
9. Leynisbrún 4 - umsókn um byggingarleyfi - 2001082
Guðmundur Pálsson vék af fundi við afgreiðslu og umfjöllun málsins.
Grenndarkynning vegna byggingaráforma við Leynisbrún 4 hefur farið fram. Ein athugasemd barst sem var tekin fyrir en ekki tekin til greina.
Skipulagsnefnd samþykkir byggingaráformin. Byggingarfulltrúi gefur út byggingarleyfi þegar tilskyldum gögnum hefur verið skilað inn.