69. fundur skipulagsnefndar haldinn í bæjarstjórnarsal, mánudaginn 17. febrúar 2020 og hófst hann kl. 16:15.
Fundinn sátu:
Guðmundur L. Pálsson, formaður, Ólafur Már Guðmundsson, aðalmaður, Anton Kristinn Guðmundsson, aðalmaður, Lilja Ósk Sigmarsdóttir, aðalmaður, Gunnar Már Gunnarsson, aðalmaður og Atli Geir Júlíusson.
Fundargerð ritaði: Atli Geir Júlíusson, sviðsstjóri skipulags- og umhverfissviðs.
Dagskrá:
1. Skipulagsnefnd: Samþykkt 2020 - 2001048
Lögð er fram tillaga að samþykkt fyrir skipulagsnefnd Grindavíkurbæjar.
Skipulagsnefnd samþykkir samþykktina og vísar henni til afgreiðslu bæjarstjórnar.
2. Deiliskipulag - Norðan Hópsbrautar - 1901081
Farið yfir vinnu við nýtt deiliskipulag norðan Hópsbrautar. Fyrstu drög að greinagerð lögð fram.
Skipulagsnefnd felur sviðsstjóra að koma á fundi með byggingarverktökum á svæðinu í byrjun mars.
3. Deiliskipulagsbreyting í Svartsengi - 1909021
Skipulagsnefnd felur sviðsstjóra að framlengja auglýsingartíma á tillögu að breyttu deiliskipulagi í Svartsengi.
4. Tillaga að breytingu á aðalskipulagi Hafnarfjarðar 2013-2025 - 2002030
Tillaga að breytingu á aðalskipulagi Hafnarfjarðar 2013-2025 og nýju deiliskipulagi fyrir Leiðarenda, helli í upplandi Hafnarfjarðar. Málið hefur áður komið til skipulagsnefndarinnar þegar mörkum Hafnarfjarðar var breytt í samræmi við úrskurð óbyggðarnefndar.
Sviðstjóra falið að vinna málið áfram.
5. Aðalskipulag Ölfuss - Heildarendurskoðun - 2002015
Skipulags- og matslýsing vegna endurskoðunar aðalskipulags Ölfuss 2010 - 2022 lögð fram til kynningar.
6. Fráveita Grindavíkurbæjar - hönnun og staðarval - 2001029
Lagt fram til kynningar. Vinna við staðarval og frumhönnun á útrás og hreinsistöð fráveitukerfis Grindavíkurbæjar er í fullum gangi.
7. Stígur frá Grindavík vestur að golfvelli - 2002001
Lagðar eru fram til kynningar hugmyndir um legu á göngu- og hjólastíg frá Grindavík vestur að golfvelli.
8. Þórkötlustaðir - fyrirspurn um stækkun - 1910058
Fyrirspurn um stækkun á Þórkötlustöðum (Vesturbær).Engin athugasemd barst við grenndarkynningu vegna fyrirspurnar. Málsaðila er bent á að sækja þarf um byggingarleyfi fyrir framkvæmdunum.
9. Fyrirspurn vegna stækkunar á núverandi hringvelli - 2002048
Tillaga Brimfaxa að stækkun reiðvallarins fer inn á fyrirhugaðan tengiveg við Suðurstrandarveg lögð fram. Finna þarf aðra staðsetningu fyrir löglegan reiðvöll. Sviðsstjóra falið að vinna málið áfram.
10. Svæði til skógæktar í Grindavík - 2002034
Rætt um hvaða svæði væru ákjósanlegust til skógræktar við Grindavík.
Sviðsstjóra falið að vinna málið áfram með Skógræktarfélagi Grindavíkur.
Fleira ekki gert. Fundi slitið kl. 18:05.