Menningarvikan verður að Menningarvori

• Menningarfréttir
• 30. janúar 2020

Ákveðið hefur verið að Menningarvikan sem að fram hefur farið um miðjan mars undanfarin ellefu ár verði að Menningarvori í Grindavík. Menningarvorið mun standa frá miðjum mars fram í miðjan maí.

Grindvíkingar, fyrirtæki, stofnanir, þjónustuaðilar og allir þeir sem hafa áhuga á menningu eru hvattir til þess að skipuleggja menningarviðburði á þessum tíma og er það von skipuleggjenda að allir leggist á eitt við að bjóða uppá fjölbreytta og skemmtilega dagskrá.

Dagskrá Menningarvorsins verður dreift í öll hús í byrjun mars. Til þess að komast að í prentaðri dagskrá þarf að senda upplýsingar um viðburði á netfangið eggert@grindavik.is, í síðasta lagi 14. febrúar nk.

• Síðast uppfært: 30. janúar 2020