36. fundur umhverfis- og ferðamálanefndar haldinn í bæjarstjórnarsal, 28. maí 2019 og hófst hann kl. 16:15.
Fundinn sátu: Sigurveig Margrét Önundardóttir, formaður, Klara Bjarnadóttir, aðalmaður, Teresa Björnsdóttir, aðalmaður, Sigríður Etna Marinósdóttir, aðalmaður, Unnar Á Magnússon, aðalmaður,
Fundargerð ritaði: Kristín María Birgisdóttir, Upplýsinga- og markaðsfulltrúi.
Dagskrá:
1. Áfangastaðaáætlun 2018 - 2021 - 1904033
Þuríður H. Aradóttir Braun frá Markaðsstofu Reykjaness kom og kynnti áfangastaðaáætlun fyrir Reykjanes 2018 - 2021. Áætlunin er unnin samkvæmt stefnu stjórnvalda um þróun ferðamála á landsvísu. Umhverfis- og ferðamálanefnd fagnar útkomu skýrslunnar sem er bæði vegleg og efnismikil. Skýrslan er gott upplýsingarit um svæðið sem mikilvægt er að vinna vandlega að í sátt við fólk og umhverfi. Veigamikill þáttur skýrslunnar er stefna og aðgerðaráætlun sem aðilar ferðaþjónustunnar í samstarfi við sveitarfélög og stjórnvöld þurfa að hafa til hliðsjónar í sinni vinnu.
2. Opin og græn svæði - 1905037
Farið yfir þau grænu opnu svæði sem eru innan þéttbýlis Grindavíkur. Áherslan í ár er samkvæmt fjárhagsáætlun á skógrækt og að gróðursetja tré.
Nefndin áætlar að fara í vettvangsferð á júní fundinum á þessi svæði. Hún telur mikilvægt að hugað sé vel að þeim svæðum bæjarins sem nú þegar eru skilgreind opin græn svæði.
3. Hundagerði - Svæði innan Grindavíkurbæjar - 1811027
Farið yfir niðurstöður vefkönnunar á hug íbúa til hundagerðis á vegum bæjarins. 151 tók þátt. rúm 84% voru hlynnt hundagerði. 11,26% voru á móti því og tveir höfðu ekki skoðun eða 1,3 %. Umhverfis- og ferðamálanefnd óskar eftir því við bæjarráð að fjármagn fyrir hundagerði verði tryggt í komandi fjárhagsáætlunarvinnu fyrir næsta ár.
4. Rafhleðslustöðvar: Mögulegar staðsetningar og kostnaðargreining - 1709062
Viðræður eru framundan við Ísorku og Nettó varðandi uppsetningu á hraðhleðslustöð í Grindavík. Nettó hefur sýnt málinu áhuga og að stöðin verði staðsett innan þeirra lóðar.
Fleira ekki gert. Fundi slitið kl. 18:15.